பிரித்தானியாவில் மூடப்படும் பிளாஸ்ட் ஃபர்னஸ்கள் : வேலை இழப்பை சந்திக்கும் இரண்டாயிரத்திற்கும் மேற்பட்ட தொழிலாளர்கள்!

பிரிட்டனின் இரண்டாவது பெரிய எஃகு உற்பத்தியாளர், அதன் இரண்டு பிளாஸ்ட் ஃபர்னஸ்களை மூடுவதற்கு திட்டமிட்டுள்ளார். இதனால் பெரும்பாலானோர் வேலை இழப்புகளை சந்திப்பார்கள் என எதிர்வுக்கூறப்பட்டுள்ளது.

3,500 பணியாளர்களில் 2,000 முதல் 2,500 ஊழியர்கள் வரை பணிநீக்கம் செய்யக்கூடிய ஒரு பணிநீக்க செயல்முறை குறித்து பிரிட்டிஷ் ஸ்டீல் தொழிற்சங்கங்களுடன் கலந்துரையாடலில் ஈடுபட்டதாக தெரியவருகிறது.

ஸ்கந்தோர்ப்பின் இரண்டு பிளாஸ்ட் ஃபர்னஸ்களை மூடுவதை விரைவுபடுத்துவதற்கான திட்டங்கள் குறித்த பொது அறிக்கை விரைவில் வெளியாகும் என்றும் ஒரு தொழிற்சங்க வட்டாரம் தெரிவித்துள்ளது.

ஸ்கந்தோர்ப்பில் உள்ள பிளாஸ்ட் ஃபர்னஸ்களை மூடுவது, எஃகு உற்பத்தி செயல்பாடுகள் மற்றும் எஃகு ரோலிங் மில் திறனைக் குறைப்பது தொடர்பான ஆலோசனைகள் நடைபெறும் என்றும் நிறுவனம் தெரிவித்துள்ளது.

பிரிட்டிஷ் ஸ்டீலின் சீன உரிமையாளரான ஜிங்யே குழுமத்திற்கு இடையே, பசுமையான எஃகு உற்பத்திக்கு நிறுவனம் மாறுவதற்கு உதவும் வகையில், மேற்படி நடவடிக்கை எடுக்கப்பட்டுள்ளதாக தகவல் வெளியாகியுள்ளது.