பொது இடங்களில் பிச்சை எடுக்க தடை விதித்த போபால் மாவட்ட ஆட்சியர்

போபால் மாவட்ட ஆட்சியர் மாவட்ட அதிகார வரம்பிற்குள் உள்ள பொது இடங்களில் பிச்சை எடுப்பதை முற்றிலுமாக தடை செய்வதற்கான உத்தரவை பிறப்பித்துள்ளார்.

பாரதிய நாக்ரிக் சுரக்ஷா சஹிதா (BNSS) 2023 இன் பிரிவு 163 இன் கீழ் கலெக்டர் கௌஷ்லேந்திர விக்ரம் சிங் தடை உத்தரவை பிறப்பித்தார்.

பிரிவு விதியில் “தொல்லை அல்லது ஆபத்து” காரணமாக உத்தரவு பிறப்பிக்கப்பட்டுளளது.

வழங்கப்பட்ட அறிவுறுத்தல்களை மீறும் நபர் மீது BNSS, 2023 இன் பிரிவு 223 இன் கீழ் சட்ட நடவடிக்கை எடுக்கப்படும் என்றும் உத்தரவில் கூறப்பட்டுள்ளது.

“செய்தித்தாள்கள் மற்றும் பிற ஊடக அறிக்கைகள் மூலம், போக்குவரத்து சிக்னல்கள், கிராசிங்குகள், மதத் தலங்கள், சுற்றுலாத் தலங்கள் மற்றும் பிற பொது இடங்களில் மக்கள் தனியாகவோ அல்லது தங்கள் குடும்பத்தினருடன் பிச்சை எடுப்பதாக கவனத்திற்குக் கொண்டுவரப்பட்டது. இந்த மக்கள் பிச்சை எடுப்பதைத் தடுக்கும் அரசாங்கத்தின் உத்தரவை மீறுவதோடு, போக்குவரத்து நிர்வாகத்திலும் இடையூறு விளைவிக்கின்றனர். பிற மாநிலங்கள் மற்றும் நகரங்களைச் சேர்ந்தவர்களும் நகரத்தில் பிச்சை எடுப்பதில் ஈடுபட்டுள்ளனர், அவர்களில் பலர் குற்றவியல் வரலாற்றைக் கொண்டுள்ளனர். பிச்சை எடுப்பதில் ஈடுபடும் பெரும்பாலான மக்கள் போதைப்பொருள் அல்லது பிற செயல்களிலும் ஈடுபட்டுள்ளனர்,” என்று உத்தரவில் கூறப்பட்டுள்ளது.

பிச்சை எடுப்பது என்ற போர்வையில் பல குற்றச் செயல்கள் நடத்தப்பட்டதாகவும் வலியுறுத்தப்பட்டுள்ளது.

மேலும், போக்குவரத்து சிக்னல்களில் பிச்சை எடுப்பதால் விபத்துக்கள் ஏற்பட வாய்ப்புள்ளது. பிச்சை எடுப்பது ஒரு சமூக தீமை, மேலும் பிச்சை எடுப்பதை நிறுத்த அரசாங்கம் அவ்வப்போது பொருத்தமான வழிமுறைகளையும் பிறப்பித்தது.