அரச பயணமாக இந்தியா செல்லும் வங்கதேச பிரதமர் ஷேக் ஹசீனா

அண்டை நாடான வங்காளதேச பிரதமர் ஷேக் ஹசீனா 2 நாட்கள் அரசு முறை பயணமாக இந்தியா செல்கிறார்.

டெல்லியில் அவரை இந்திய வெளியுறவு துறை மந்திரி ஜெய்சங்கர் சந்தித்து பேசவுள்ளார். நாளை காலை ஷேக்ஹசீனா பிரதமர் மோடியை சந்திக்கவுள்ளார்.

அப்போது இரு நாட்டு நல்லுறவு குறித்தும், இந்தியா, வங்காளதேசம் இடையே கடல் எல்லை உள்ளிட்ட பிரச்சினைகள் குறித்தும் விரிவாக விவாதிக்க உள்ளனர்.

பின்னர் ஷேக் ஹசீனா ஜனாதிபதி மாளிகைக்கு செல்கிறார். அங்கு அவருக்கு உற்சாக வரவேற்பு அளிக்கப்படுகிறது.

இதைத்தொடர்ந்து அவர் ஜனாதிபதி திரவுபதி முர்மு, மற்றும் துணை ஜனாதிபதி ஜெகதீப் தன்கர் ஆகியோரை சந்தித்து பேசுகிறார். நாளை மாலை அவர் தனது சுற்றுப்பயணத்தை முடித்துக்கொண்டு வங்காளதேசம் திரும்புகிறார்.

இந்த மாதத்தில் ஷேக் ஹசீனா இந்தியா வருவது இது 2-வது முறையாகும். கடந்த 9-ந்தேதி பிரதமர் மோடி பதவி ஏற்பு விழாவில் அவர் பங்கேற்றார்.

தொடர்புடைய செய்திகள்:

இம்ரான் கானுக்கு எதிரான வழக்கு தொடர்பில் உச்ச நீதிமன்றத்தின் தீர்ப்பு சலுகை ஒப்பந்தத்தின் கீழ் கராச்சியை வந்தடைந்த ரஷ்ய கச்சா எண்ணெய் கப்பல் பாகிஸ்தான் நீதிமன்றத்தில் இம்ரான் கான் தாக்கல் செய்த புதிய மனு டோக்கியோ ரயில் நிலையத்தில் கத்தி குத்து தாக்குதல் – சந்தேக நபர் கைது