2025/26ம் ஆண்டின் ஆஷஸ் தொடரை கைப்பற்றிய ஆஸ்திரேலியா

ஆஸ்திரேலியா மற்றும் இங்கிலாந்து அணிகள் மோதும் பிரபல ஆஷஸ்(Ashes) தொடர் ஆஸ்திரேலியாவில் நடைபெற்று வருகிறது.

அந்தவகையில், சிட்னி(Sydney) மைதானத்தில் ஐந்தாவது டெஸ்ட் போட்டி நடைபெற்று வருகிறது.

இந்த போட்டியில் நாணய சுழற்சியை வென்ற இங்கிலாந்து அணி முதலில் துடுப்பெடுத்தாட தீர்மானம் செய்தது.

முதலில் களமிறங்கிய இங்கிலாந்து அணி 97.3 ஓவர்களுக்கு சகல விக்கெட்களையும் இழந்து 384 ஓட்டங்களை பெற்றது.

அதனை தொடர்ந்து தனது முதல் இன்னிங்ஸை ஆரமிப்பித்த ஆஸ்திரேலிய அணி 133.5 ஓவர்களுக்கு 567 ஓட்டங்கள் குவித்தது.

தனது இரண்டாவது இன்னிங்ஸை ஆரமிப்பித்த இங்கிலாந்து அணி 342 ஓட்டங்கள் குவித்து ஆஸ்திரேலிய அணிக்கு 160 ஓட்ட இலக்கை நிர்ணயித்தது.

இந்நிலையில், 160 ஓட்ட இலக்கை நோக்கி களமிறங்கிய ஆஸ்திரேலிய அணி 31.2 ஓவர்களில் 5 விக்கெட்களை இழந்து 161 ஓட்டங்கள் பெற்று தொடரை கைப்பற்றியது.

இறுதியில், போட்டியின் ஆட்ட நாயகன் விருதை டிராவிஸ் ஹெட்(Travis Head) மற்றும் தொடரின் நாயகன் விருதை மிச்சேல் ஸ்டார்க்(Mitchell Starc) கைப்பற்றினர்.

மேலும், இந்த தொடரின் முடிவில் ஆஸ்திரேலியாவின் துடுப்பாட்ட வீரர் உஸ்மான் கவாஜா(Usman Khawaja) டெஸ்ட் போட்டிகளில் இருந்து ஓய்வு பெற்றுள்ளார்.