ஆஷஸ் தொடர் – முதல் நாள் முடிவில் 19 விக்கெட்களை இழந்த இங்கிலாந்து மற்றும் ஆஸ்திரேலியா

ஆஸ்திரேலியா மற்றும் இங்கிலாந்து அணிகள் மோதும் பிரபல ஆஷஸ்(Ashes) தொடர் ஆஸ்திரேலியாவில் இன்று ஆரம்பமானது.

அந்தவகையில், 5 போட்டிகள் கொண்ட டெஸ்ட் தொடரின் முதலாவது போட்டி பெர்த்(Perth) மைதானத்தில் ஆரம்பமானது.

நாணய சுழற்சியை வென்ற இங்கிலாந்து அணி முதலில் துடுப்பெடுத்தாட தீர்மானம் செய்தது.

அதன்படி, முதலில் களமிறங்கிய இங்கிலாந்து அணி 32.5 ஓவர்களில் சகல விக்கெட்களையும் இழந்து 172 ஓட்டங்களை பெற்றது.

இங்கிலாந்து அணி சார்பில், ஒலி போப்(Ollie Pope) 46 ஓட்டங்களும் ஹார்ரி ப்ரூக்(Harry Brook) 52 ஓட்டங்களும் ஜேமி ஸ்மித்(Jamie Smith) 33 ஓட்டங்களும் பெற்றனர்.

பந்து வீச்சில் ஆஸ்திரேலியா அணி சார்பில், சிறப்பாக பந்து வீசிய மிச்சேல் ஸ்டார்க்(Mitchell Starc) 7 விக்கெட்களை கைப்பற்றினார்.

இந்நிலையில், தனது முதல் இன்னிங்ஸை ஆரம்பித்த ஆஸ்திரேலிய அணி 39 ஓவர்கள் முடிவில் 9 விக்கெட்களை இழந்து 123 ஓட்டங்களை பெற்றுள்ளது.

ஆஸ்திரேலிய அணி சார்பில், டிராவிஸ் ஹெட்(Travis Head) 21 ஓட்டங்களும் கேமரூன் கிரீன்(Cameron Green) 24 ஓட்டங்களும் அலெக்ஸ் கரே(Alex Carey) 26 ஓட்டங்களும் பெற்றுக்கொடுத்தனர்.

பந்து வீச்சில் இங்கிலாந்து அணி சார்பில், பென் ஸ்டோக்ஸ்(Ben Stokes) 5 விக்கெட்களை கைப்பற்றியுள்ளார்.

இறுதியில், முதல் நாள் முடிவில் ஆஸ்திரேலியா அணி இங்கிலாந்தை விட 49 ஓட்டங்கள் பின் தங்கியுள்ளது.