இளைஞரை கடத்திச் சென்ற இராணுவ சிப்பாய் கைது
பொலிஸ் உத்தியோகத்தர் போன்று வேடமணிந்து முச்சக்கர வண்டியில் 23 வயதுடைய இளைஞனை கடத்திச் சென்ற குற்றச்சாட்டின் பேரில் இராணுவ சிப்பாய் ஒருவரும் மற்றுமொரு நபரும் சந்தேகத்தின் பேரில் கைது செய்யப்பட்டதாக பொலிஸார் தெரிவிக்கின்றனர்.
கொஸ்கொட பிரதேசத்தில் வசிக்கும் இளைஞர் ஒருவர் கடத்தப்பட்ட நிலையில் மீட்கப்பட்டுள்ளார்.
இந்த இளைஞன் புறக்கோட்டை, பஸ்டியன் மாவத்தை, ரயில்வே டிப்போ வளாகத்திற்கு அருகில் நடந்து சென்று கொண்டிருந்த போது, இரண்டு பேர் முச்சக்கரவண்டியில் வந்து பொலிஸ் அதிகாரிகள் என்று கூறி, இளைஞனை நிறுத்தி, அந்த இளைஞன் போதைப்பொருள் வியாபாரி என்றும், அவரை அழைத்துச் செல்ல விரும்புவதாகவும் கூறியுள்ளனர்.
அவர் போதைப்பொருள் வைத்திருந்தாரா எனப் பரிசோதித்து அவரை முச்சக்கரவண்டியில் ஏற்றிச் சென்ற போது அவர்கள் கடத்தப்பட்டதாக பொலிஸார் தெரிவிக்கின்றனர்.
அப்போது, போகஹா அருகே கடமையில் ஈடுபட்டிருந்த பொலிஸ் குழுவொன்று முச்சக்கரவண்டியை தடுத்து நிறுத்தியதையடுத்து, முச்சக்கரவண்டியில் இருந்த இளைஞன், இந்த இருவரால் தான் கடத்தப்பட்டதாக அதிகாரிகளிடம் தெரிவித்தார்.
அங்கு பொலிஸாரால் இளைஞன் மீட்கப்பட்டதுடன் சந்தேகநபர்கள் இருவரையும் கைது செய்தனர்.
(Visited 10 times, 1 visits today)
