ட்ரம்பை தொடர்ந்து இலங்கையை குறி வைத்த ஈரானிய உளவாளி? அமெரிக்கா குற்றச்சாட்டின் முழு பின்னணி

அறுகம்பையில் மேற்கொள்ளப்படவிருந்தாக கூறப்படும் பயங்கரவாத தாக்குதல் திட்டத்துடன் தொடர்புடையவர் என சந்தேகிக்கப்படும் ஈரானிய பிரஜையொருவர் தொடர்பில் தகவல்கள் வெளியாகியுள்ளன.

“ஈரானிய சொத்து” என்று அடையாளம் காணப்பட்ட ஃபர்ஹாத் ஷகேரி சம்பந்தப்பட்ட சதி தொடர்பான கூடுதல் விவரங்களை அமெரிக்க நீதித்துறை வெளியிட்டுள்ளது.

திணைக்களத்தின் படி, ஷகேரிக்கு இஸ்லாமிய புரட்சிகர காவல்படை (IRGC) மூலம் “இலங்கையில் உள்ள இஸ்ரேலிய சுற்றுலாப் பயணிகளை குறிவைக்க” அறிவுறுத்தப்பட்டது மற்றும் “அருகம் விரிகுடாவில் ஒரு பாரிய துப்பாக்கிச் சூட்டைத் திட்டமிட” திட்டமிட்டிருந்ததாகக் கூறப்படுகிறது.

அமெரிக்காவினால் குற்றவாளியாக கருதப்படும் ஃபர்ஹாத் ஷகேரி, டொனால்ட் ட்ரம்ப் மீதான துப்பாக்கிச்சூட்டின் சந்தேகநபர் ஆவார், தற்போது ஈரானில் தலைமறைவாக உள்ளதாக அமெரிக்க நீதித்துறை சுட்டிக்காட்டியுள்ளது.

இந்நிலையில், ஷகேரி இன்னும் கைது செய்யப்படவில்லை என்றும் அவர் இரானில் இருப்பதாக நம்பப்படுவதாகவும் அமெரிக்க அரசு தெரிவித்துள்ளது. இந்த கூற்றுகள் “முற்றிலும் ஆதாரமற்றவை” என்று இரான் கூறியுள்ளது.

இலங்கையில் இஸ்ரேலிய சுற்றுலாப் பயணிகளை குறிவைத்து பாரிய துப்பாக்கிச் சூடு நடத்தத் திட்டமிடுவதற்கு உதவுமாறு ஷகேரியிடம் கேட்டுக் கொண்டதாக தெரிவிக்கப்படுகிறது.

இதுவே தாக்குதல் அச்சுறுத்தல் குறித்து தமது நாட்டு பயணிகளை எச்சரிக்க அமெரிக்கா மற்றும் இலங்கை அதிகாரிகளைத் தூண்டியது.

மேலும், நியூயோர்க் நகரத்தில் வாழும் இஸ்ரேலிய வணிகர்களை ஷகேரி இலக்குவைத்தமை தொடர்பில் மேற்கொண்ட விசாரணைகளில் இந்த விடயம் தெரியவந்தது.’ என தெரிவிக்கப்பட்டுள்ளது.

தொடர்புடைய செய்திகள்:

இலங்கை: அரசியலில் இருந்து விலக தீர்மானித்துள்ள முன்னாள் நாடாளுமன்ற உறுப்பினர்கள் மற்றும் அமைச்சர்கள் எகிப்தில் பேருந்து விபத்துக்குள்ளானதில் 12 பேர் உயிரிழப்பு இந்தியா: வேலை நிறுத்தத்தை கைவிட்ட சாம்சங் தொழிலாளர்கள் இந்திய விமானங்களுக்கு வெடிகுண்டு மிரட்டல்கள் – சிக்கிய இளைஞன் கமலா ஹாரிஸை ஆதரிக்கும் நடிகர் அர்னால்ட் ஸ்வார்ஸ்னேக்கர் ஈரான் உயர்மட்ட அணு விஞ்ஞானி கொல்லப்பட்ட வழக்கில் மூவருக்கு மரண தண்டனை