இலங்கை செல்லவுள்ள பிரித்தானியர்களுக்கான அறிவுறுத்தல்!
இலங்கைக்கு செல்லும் பிரித்தானிய பிரஜைகளுக்கான பயண ஆலோசனை புதுப்பிக்கப்பட்டுள்ளது.
இதன்படி இலங்கைக்கு செல்முன் இலங்கையின் தற்போதைய நுழைவு கட்டுப்பாடுகள் குறித்து சரிபார்க்குமாறு அறிவுறுத்தப்பட்டுள்ளது.
பயணக் காப்பீட்டைப் பெறுவதும், அது போதுமான காப்பீட்டை வழங்குகிறதா என்பதைச் சரிபார்ப்பதும் முன்னெப்போதையும் விட முக்கியமானது எனவும் தெரிவிக்கப்பட்டுள்ளது.
அதேநேரம் இலங்கையின் பொருளாதார நிலை குறித்து தெளிவுபடுத்தியுள்ள பிரித்தானியா, சனநெரிசல் மிக்க பகுதிகளை தவிர்க்குமாறும், சில சந்தர்ப்பங்களில் அத்தியாவசிய தேவைகைளை பெற்றுக்கொள்வதில் சிக்கல் ஏற்படலாம் எனவும் சுட்டிக்காட்டியுள்ளது.
வெளிநாட்டவர்கள் பார்வையிடும் இடங்கள் உள்ளிட்ட பொதுமக்கள் வெகுவாக கூடும் இடங்களில் கண்மூடித்தனமாக தாக்குதல்கள் நடத்தப்படலாம் என எச்சரிக்கை விடுக்கப்பட்டுள்ளதுடன், நாடு முழுவதும் டெங்கு காய்ச்சல் பரவி வருகிறது எனவும் சுட்டிக்காட்டப்பட்டுள்ளது.
