மனச்சோர்வை போக்கும் அதிநவீன ஹெட்செட் : ஆய்வாளர்களின் புதிய முயற்சி!

மனச்சோர்வுக்கு சிகிச்சையளிப்பதற்காக ஹெட்செட் மிகவும் பரவலான சிகிச்சையாக பரிந்துரைக்கப்பட்டுள்ளது.

NHSஇன் பல கட்ட சோதனை முயற்சிகளுக்கு பிறகு இது அறிமுகப்படுத்தப்பட்டுள்ளது. இருப்பினும் இதன் நீண்டகால நன்மைகள் என்ன என்பது இன்னும் தெரியவில்லை.

ஃப்ளோ நியூரோ சயின்ஸின் ஹெட்செட் மன அழுத்தத்தால் பாதிக்கப்பட்ட நோயாளிகளுக்கு அவர்களின் GP மூலம் ஆறு வார காலத்திற்கு தினமும் 30 நிமிடங்கள் அணியுமாறு பரிந்துரைக்கப்பட்டது.

இந்நிலையில் குறித்த ஹெட்செட் ஆனது டிரான்ஸ்கிரானியல் டைரக்ட் கரண்ட் ஸ்டிமுலேஷன் அல்லது டிடிசிஎஸ் எனப்படும் மூளை தூண்டுதல் நுட்பத்தைப் பயன்படுத்தி மனச்சோர்வுக்கு சிகிச்சையளிப்பதாக தெரிவிக்கப்பட்டுள்ளது.

சாதனம் ஒரு பலவீனமான நேரடி மின்னோட்டத்தை மூளையின் முன்புறத்திற்கு வழங்குகிறது, உணர்ச்சி வெளிப்பாட்டிற்கு காரணமான பகுதிகளைத் தூண்டுகிறது.

58% க்கும் அதிகமான மக்கள் ஆறு வாரங்களுக்குள் முன்னேற்றங்களைக் கண்டனர், மேலும் மூன்றில் ஒருவர் மனச்சோர்வு அறிகுறிகள் இல்லாமல் நிவாரணம் அடைந்ததாக தெரிவிக்கப்படுகிறது.

ஃப்ளோ நியூரோ சயின்ஸ் இது “மனச்சோர்வுக்கான முதல் மற்றும் மருத்துவ ரீதியாக அனுமதிக்கப்பட்ட ஒரே சிகிச்சை” என்று கூறுகிறது.