சூரியனைப் பற்றிய ஆய்வுக்காகப் புறப்பட்ட ஆதித்யா-எல்1
சூரியனை ஆய்வு செய்வதற்கான இந்தியாவின் புதிய பணி வெற்றிகரமாக ஏவப்பட்டதன் நோக்கங்கள் ஊடகங்களுக்கு வெளியிடப்பட்டுள்ளன.
இதற்காக ஆதித்யா-எல்1 என்கிற விண்கலம் நேற்று முன்தினம் வெற்றிகரமாக விண்ணில் செலுத்தப்பட்டுள்ளது.
இந்திய விண்வெளித் துறையின் வளர்ச்சிக்காக தனியார் துறையிலிருந்து அதிக முதலீட்டாளர்களைப் பெறுவதில் கவனம் செலுத்தப்படுகிறது.
சூரியனை ஆய்வு செய்வதற்கான விண்கலத்தை இந்தியா உருவாக்குவது இதுவே முதல் முறை.
மேலும், இந்த விண்வெளி பயணங்களுக்கு பங்களிக்கும் தனியார் தொழில்நுட்ப நிறுவனங்களான லார்சன் & டூப்ரோ (எல்&டி), எம்டிஏஆர் டெக்னாலஜிஸ் மற்றும் அனந்த் டெக்னாலஜிஸ் ஆகியவற்றிற்கும் இது நிதியைத் தூண்டும் என்று இந்திய ஊடகங்கள் தெரிவிக்கின்றன.
இந்திய விண்வெளி ஆராய்ச்சி மையத்தின் (இஸ்ரோ) சூரிய கண்காணிப்பு நடவடிக்கையில் மேற்கூறிய தொழில்நுட்ப நிறுவனங்கள் பெரும் பங்காற்றியிருப்பதும் சிறப்பு.
125 நாள் பயணமாக நேற்று பிஎஸ்எல்வி-சி57 ராக்கெட்டில் ஆதித்யா-எல்1 விண்ணில் ஏவப்பட்டது.
சூரியன்-பூமி அமைப்பின் லாக்ரேஞ்ச் புள்ளி 1 (L1) சுற்றி ஒரு ஒளிவட்ட சுற்றுப்பாதையில் இருந்து அருகிலுள்ள பல்வேறு கூறுகளை ஆய்வு செய்யும் முயற்சியில் விண்கலம் அதன் பணிக்காக புறப்பட்டது.
இது பூமியிலிருந்து 1.5 மில்லியன் கிலோமீட்டர் தொலைவில் அமைந்துள்ளது. இந்த தூரம் பூமிக்கும் சூரியனுக்கும் இடையே உள்ள மொத்த 150 மில்லியன் கிலோமீட்டரில் ஒரு சதவீதம் ஆகும்.
