விபத்தில் இளம் பொலிஸ் கான்ஸ்டபிள் பலி
![](https://iftamil.com/wp-content/uploads/2024/02/police-3-jpg.webp)
பொலிஸ் கான்ஸ்டபிள் ஒருவரின் மோட்டார் சைக்கிள் கட்டுப்பாட்டை இழந்து பள்ளம நகரில் கல்வெட்டில் மோதி விபத்துக்குள்ளானது.
குறித்த பொலிஸ் கான்ஸ்டபிளை அதேநேரம் வைத்தியசாலைக்கு கொண்டுசெல்லப்பட்டதாகவும், வைத்தியசாலையில் அனுமதிக்கப்பட்ட பின்னர் அவர் உயிரிழந்துள்ளதாகவும் தெரிவிக்கப்படுகிறது.
ஹலவத்த பொலிஸ் பிரிவிற்குட்பட்ட பொலிஸ் போக்குவரத்து பிரிவில் கடமையாற்றும் வாரியபொல எல்ல பிரதேசத்தை சேர்ந்த 23 வயதுடைய இளம் பொலிஸ் கான்ஸ்டபிள் ஒருவரே இவ்வாறு உயிரிழந்துள்ளார்.
பள்ளம நகரில் நண்பர் ஒருவரின் பிறந்தநாள் விழாவில் கலந்து கொண்டு ஹலவத்த கடமை நிலையத்திற்கு திரும்பிக் கொண்டிருந்த போதே இந்த விபத்து இடம்பெற்றுள்ளதாக தெரிவிக்கப்படுகின்றது.
எவ்வாறாயினும், இந்த கான்ஸ்டபிள் முதலில் மாதம்பே பொலிஸில் நியமிக்கப்பட்டு பின்னர் ஹலவத்தை போக்குவரத்து பிரிவுக்கு நியமிக்கப்பட்டதாக எமது செய்தியாளர் தெரிவித்தார்.