கனடாவில் அமுலுக்கு வரும் தடை – கார் திருட்டை தடுப்பதற்காக எடுக்கப்பட்ட நடவடிக்கை

கனேடிய அரசாங்கம் Flipper Zero மற்றும் அதுபோன்ற சாதனங்களை தடைசெய்யத் திட்டமிட்டுள்ளது.

திருடர்கள் கார்களைத் திருடப் பயன்படுத்தக்கூடிய கருவிகளாக அவை காணப்படுவதாக குறிப்பிட்ட பிறகு இந்த நடவடிக்கை எடுக்கப்பட்டுள்து.

Flipper Zero என்பது ஒரு சிறிய மற்றும் நிரல்படுத்தக்கூடிய பேனை வடிவிலான சோதனை கருவியாகும்.

இது RFID, ரேடியோ, NFC மற்றும் புளூடூத் உள்ளிட்ட  பல்வேறு மென்பொருள் மற்றும் டிஜிட்டல் சாதனங்களை சோதனை செய்து பிழைத்திருத்த உதவுகிறது.

பயனர்கள் Flipper Zero இன் அம்சங்களை வெளியிட்டுள்ளனர். ஒன்லைனில் பகிரப்பட்ட வீடியோக்களில், கார்களைத் திறக்கவும், வாகன திருத்தும் கதவுகளைத் திறக்கவும், கதவு மணிகளை இயக்கவும், பல்வேறு டிஜிட்டல் விசைகளை குளோன் செய்யவும் மறு தாக்குதல்களை நடத்தும் திறனைக் காட்டுகின்றனர்.

திருடர்கள் கார்களைத் திருட அதிநவீன கருவிகளைப் பயன்படுத்துகின்றனர். மேலும் கனேடியர்கள் இதனால் கவலைப்படுவதாக கனேடிய தொழில்துறை அமைச்சர் François-Philippe Champagne புதன்கிழமை டுவிட்டரில் பதிவிட்டுள்ளார்.

இந்தக் குற்றங்களைச் செய்வதற்குப் பயன்படுத்தப்படும் flippersபோன்ற நுகர்வோர் ஹேக்கிங் சாதனங்களின் இறக்குமதி, விற்பனை மற்றும் பயன்பாடு ஆகியவற்றைத் தடை செய்வதாக அறிவித்தேன் என அவர் குறிப்பிட்டுள்ளார்.

இந்த வாரம் ஒன்டாரியோவின் ஒட்டாவாவில் கனடா அரசாங்கத்தால் நடத்தப்பட்ட வாகனத் திருட்டை எதிர்த்துப் போராடுவதற்கான தேசிய உச்சிமாநாட்டிற்குப் பிறகு Champagneனின் இந்த அறிவிப்பு வந்துள்ளது.