பிரான்ஸின் சர்ச்சைக்குரிய குடியேற்றச் சட்டம் : அரசியலமைப்பு கவுன்சில் கூடுகிறது!

வெளிநாட்டினரை நாடு கடத்துவதை எளிதாக்கும் மற்றும் சமூக நலனுக்கான அவர்களின் அணுகலைக் கட்டுப்படுத்தும் புதிய குடியேற்றச் சட்டத்தை அங்கீகரிக்க வேண்டுமா என்பது குறித்து பிரான்சின் அரசியலமைப்பு கவுன்சில் இன்று (25.01) முடிவெடுக்கவுள்ளதாக தகவல் வெளியாகியுள்ளது.

சட்டம் அரசியலமைப்புக்கு இணங்குகிறதா என்பது குறித்த தீர்ப்பு வழங்கப்படும் என எதிர்பார்க்கப்படுகிறது.

இதற்கிடையில் சட்டத்தை பிரெஞ்சு மதிப்புகளுக்கு முரணாகக் கருதும் குழுக்களும், தீவிர வலதுசாரி குழுக்களும் பாரிஸில் உள்ள லூவ்ரே அருங்காட்சியகம் மற்றும் பிரான்சைச் சுற்றியுள்ள பிற இடங்கள் முழுவதும் போராட்டங்களை நடத்த திட்டமிட்டுள்ளனர்.

கடந்த ஞாயிற்றுக்கிழமையும் இவ்வாறான ஒரு போராட்டம் முன்னெடுக்கப்பட்டது. சுமார் 75 ஆயிரம் மக்கள் கூடி போராட்டத்தை முன்னெடுத்திருந்தனர்.

ஜூன் மாதம் ஐரோப்பிய பாராளுமன்றத் தேர்தல்கள் நடைபெறவுள்ள நிலையில், தீவிர வலதுபுறத்தில் உள்ள குடியேற்ற எதிர்ப்புக் கட்சிகள் பிரபலமடைந்து வருவதால், ஐரோப்பா முழுவதும் இடம்பெயர்வு பற்றிய பதற்றங்கள் அதிகரித்துள்ளமை குறிப்பிடத்தக்கது.