பிரான்ஸ் மக்களுக்கு வழங்கப்படும் கொடுப்பனவில் ஏற்படும் அதிகரிப்பு

பிரான்ஸில் வாகனங்களில் வேலைகளுக்குச் செல்வோருக்கான கொடுப்பனவு அதிகரிக்கப்பட உள்ளதாக அறிவிக்கப்பட்டுள்ளது.

பொது நிதி மற்றும் கணக்குகளுக்கான அமைச்சர் கேப்ரியல் அத்தால் இதனை அறிவித்துள்ளார்.

சாரசரி வருமானமாக 2,900 யூரோக்களை மாதாந்த வருவாயாக கொண்டுள்ள, அதேசமயம் வாகனங்களில் பயணித்து பணியிடங்களுக்குச் செல்பவர்களுக்கு வழங்கப்படும் கொடுப்பனவுகளே (Iindemnité kilométrique) அதிகரிக்கப்பட உள்ளது. 5.4% சதவீதத்தால் இந்த கொடுப்பனவு அதிகரிக்கப்பட உள்ளது.

இரண்டு மில்லியன் தனிநபர்கள் இந்த கொடுப்பனவை பெற ஏற்புடையவர்கள் எனவும், இதற்கான 140 மில்லியன் யூரோக்களை அரசு ஒதுக்கியுள்ளதாகவும் கேப்ரியல் அத்தால் குறிப்பிட்டார்.

இந்த அதிகரிப்பானது தற்போதுள்ள பணவீக்கத்தை மதிப்பிட்டு வழங்கப்பட உள்ளது. முன்னதாக சென்ற ஆண்டு ஜனவரியில் (2022) 10% சதவீதத்தால் இந்த கொடுப்பனவுகள் அதிகரித்திருந்தமை குறிப்பிடத்தக்கது.