‘ஆதித்யா L1’ ஒரு முட்டாள்தனம்; காயத்ரி ரகுராம் ட்வீட்

சில காரணங்களால் ஆதித்யா L1 -யை முற்றிலும் முட்டாள்தனமாக உணர்கிறேன் என்று நடிகை காயத்ரி ரகுராம் ஆவேசமாக கூறியுள்ளார்.

தொடர்ந்து விண்வெளித்துறையில் பல சாதனைகளை செய்து வரும் இஸ்ரோ, சூரியனின் வெளிப்புறப்பகுதியை ஆய்வு செய்வதற்காக ஆந்திர மாநிலம் ஸ்ரீஹரிகோட்டாவில் உள்ள சதீஷ் தவான் ஏவுதளத்தில் இருந்து பிஎஸ்எல்வி-சி57 ராக்கெட் மூலம் ஆதித்யா-எல்1 விண்கலம் இன்று நண்பகல் 11.50 மணிக்கு வெற்றிகரமாக விண்ணில் ஏவப்பட்டது.

இதற்கு, பல பாராட்டுக்கள் குவிந்துவரும் நிலையில் நடிகை காயத்ரி ரகுராம் விமர்சித்து பேசியுள்ளார்.இது தொடர்பாக கயாத்ரி ரகுராம் தனது ட்விட்டர் பதிவில்,”சில காரணங்களால் நான் ஆதித்யாL1 உடன் உடன்படவில்லை. இது முற்றிலும் முட்டாள்தனமாக உணர்கிறேன். இந்து தர்மத்தின் படி சூரியன் நமது கடவுள்.

நாம் வாழும் ஒவ்வொரு உயிரினமும் அதனால் தான் உயிர் வாழ்கிறது. இந்த பிரபஞ்சத்தில் ஒவ்வொரு கிரகமும் அதன் காரணமாகவே உயிர் வாழ்கிறது. சூரியனுக்கு ராக்கெட்டை அனுப்புவதும், அதைப் படிப்பதும் இயற்கையை சீர்குலைக்கிறது.

மனிதர்களாகிய நாம் பூமியை மட்டுமல்ல முழு பிரபஞ்சத்தையும் அழிக்கிறோம். இதனால் சில சில கிரகங்கள் அல்லது நமது பூமி கூட இயற்கை சீற்றம் ஏற்படலாம். நம் நாட்டைக் கவனித்துக்கொள்வதற்குப் பதிலாக, அந்தச் பணத்தை ஏழைகளுக்குச் செலவிடுவதற்குப் பதிலாக, நமது பூமியை பாதுகாப்பதற்கு பதிலாக நாம் நாம் இயற்கைக்கு எதிராக செல்கிறோம்.

சந்திரன் சூரியன் அல்ல, சூரியன் உச்ச சக்தி. மோடி பேராசையின் காரணமாக இந்த ஆதித்யாL1 கணிக்க முடியாத ஒன்றாக இருக்கும், ஆபத்தாக இருக்கலாம்.நாம் பூமியிலிருந்து மாறி சந்திரன் அல்லது சூரியன் அல்லது செவ்வாய் கிரகத்தில் வாழப் போகிறோமா? நமது நாட்டில் பொருளாதாரம் மற்றும் அன்றாட வாழ்க்கை கடினமாக உள்ளது. தயவு செய்து ஒரு சாமானியர் மற்றும் நம் தேசத்தின் மீது கவனம் செலுத்துங்கள்” என்று ஆவேசமாக கூறியுள்ளார்.