பிரித்தானியாவில் பணவீக்கம் மீண்டும் உயர்வு

பிரித்தானியாவின் பணவீக்கம் கடந்த ஐந்து மாதங்களில் முதல் முறையாக டிசம்பர் மாதத்தில் 3.4 சதவீதமாக உயர்ந்துள்ளதாக அதிகாரப்பூர்வ புள்ளிவிவரங்கள் தெரிவிக்கின்றன.

நவம்பரில் 3.2 சதவீதமாக இருந்த பணவீக்கம், புகையிலை வரி உயர்வு மற்றும் கிறிஸ்துமஸ் கால விமானக் கட்டண அதிகரிப்பு காரணமாக எதிர்பார்த்ததை விட அதிகமாக உயர்ந்துள்ளது.

குறிப்பாக ரொட்டி மற்றும் தானியங்கள் போன்ற உணவுப் பொருட்களின் விலை உயர்வும் இதற்கு முக்கியக் காரணமாகும்.

இந்த உயர்வால், அடுத்த மாதம் நடைபெறவுள்ள ‘பேங்க் ஆஃப் இங்கிலாந்து’ (Bank of England) கூட்டத்தில் வட்டி விகிதங்கள் குறைக்கப்பட வாய்ப்பில்லை என்று பொருளாதார நிபுணர்கள் கருதுகின்றனர்.

இருப்பினும், ஏப்ரல் மாதத்தில் வட்டி விகிதங்கள் குறைய வாய்ப்புள்ளதாக எதிர்பார்க்கப்படுகிறது.

பொருளாதார மீட்சி குறித்து கருத்துத் தெரிவித்த சான்சலர் ரேச்சல் ரீவ்ஸ் (chancellor, Rachel Reeves), 2026 ஆம் ஆண்டு பிரித்தானியா பணவீக்கத்திலிருந்து மீண்டு வரும் ஒரு திருப்புமுனையாக அமையும் என உறுதிபடத் தெரிவித்துள்ளார்.