கொழும்பில் பழைய கட்டிடங்கள் தொடர்பில் எடுக்கப்படவுள்ள தீர்மானம்!
கொழும்பில் புராதன கட்டிடங்களின் தொன்மையை பாதுகாக்க நடவடிக்கை எடுக்க்படவுள்ளது.
மேலும் அவற்றில் முதலீட்டு வாய்ப்புகளை வழங்கவும் அவற்றை நவீனப்படுத்த நகர்ப்புற வளர்ச்சி மற்றும் வீட்டு வசதி அமைச்சு முடிவு செய்துள்ளது.
இது தொடர்பில் வெளிநாட்டு முதலீட்டாளர்களுடன் கலந்துரையாடி வருவதாக அமைச்சர் பிரசன்ன ரணதுங்க மற்றும் ஜோர்ஜியாவிலுள்ள இலங்கை தூதரகம் உள்ளிட்ட ஜோர்ஜிய முதலீட்டாளர்கள் குழு தெரிவித்துள்ளனர்.
குறித்த கலந்துரையாடல் நேற்று நகர அபிவிருத்தி மற்றும் வீடமைப்பு அமைச்சில் இடம்பெற்றது.
கொழும்பு “கஃபூர் கட்டிடம்” மற்றும் கொழும்பு “எய்ட்டி கிளப்” கட்டிடம் போன்ற பல இடங்கள் இதற்காக அடையாளம் காணப்பட்டுள்ளதாக நகர அபிவிருத்தி அதிகார சபை தெரிவித்துள்ளது.
கட்டடங்களின் வரலாற்று தொன்மைக்கு சேதம் ஏற்படாத வகையில் நவீனப்படுத்தப்படும் என அமைச்சர் பிரசன்ன ரணதுங்க கூறுகிறார்.
நாட்டில் உள்ள பெரும்பாலான புராதன கட்டிடங்கள் முறையான பராமரிப்பு இன்மையால் பாழடைந்து வருவதாகவும் அவற்றை நவீனப்படுத்தி முதலீடுகளுக்கு பயன்படுத்துவதன் மூலம் நாட்டுக்கு வருமானம் ஈட்ட முடியும் எனவும் அமைச்சர் மேலும் குறிப்பிட்டுள்ளார்.
