கம்பனிகளை 10 ஆக குறைக்கும் நிசான் நிறுவனம் : 11000 பேர் வேலை இழக்கும் அபாயம்!

நிசான் நிறுவனம் உலகளவில் 11000 தொழிற்குறைப்பை மேற்கொள்ளவுள்ளதாக அறிவித்துள்ளது.

அமெரிக்கா மற்றும் சீனாவின் முக்கிய சந்தைகளில் விற்பனை பலவீனமாக உள்ளதால் இந்த முடிவு எட்டப்பட்டுள்ளதாக தெரிவிக்கப்படுகிறது.

ஜப்பானின் மூன்றாவது பெரிய கார் தயாரிப்பு நிறுவனத்தால் கடந்த ஆண்டில் அறிவிக்கப்பட்ட மொத்த பணிநீக்கங்களின் எண்ணிக்கை சுமார் 20,000 ஆக உயர்ந்துள்ளது.

எங்கு வேலை வெட்டுக்கள் செய்யப்படும் என்பது உடனடியாகத் தெரியவில்லை, ஆனால் 2027 ஆம் ஆண்டுக்குள் அதன் ஆலைகளின் எண்ணிக்கையை 17 இலிருந்து 10 ஆகக் குறைப்பதாக கார் தயாரிப்பு நிறுவனம் தெரிவித்துள்ளது.

நிசான் தற்போது உலகளவில் சுமார் 133,500 பேரைப் பணியமர்த்துகிறது, சன்டர்லேண்டில் உள்ள அதன் உற்பத்தி நடவடிக்கைகளில் சுமார் 6,000 தொழிலாளர்கள் உள்ளனர்.