இஸ்ரேலிய இராணுவத் தலைவர் ஜெனரல் ஹெர்சி ஹலேவி பதவி விலகல்

காசா பகுதியில் 15 மாத காலப் போரைத் தொடர்ந்து ஒரு பலவீனமான போர்நிறுத்தம் அமலுக்கு வந்த சில நாட்களுக்குப் பிறகு, அக்டோபர் 7 அன்று ஹமாஸின் தாக்குதலைத் தடுக்க அதன் “தோல்விக்கு” பொறுப்பேற்று இஸ்ரேலின் இராணுவத் தலைவர் ராஜினாமா செய்துள்ளார்.

இராணுவத்தால் வெளியிடப்பட்ட தனது ராஜினாமா கடிதத்தில், லெப்டினன்ட் ஜெனரல் ஹெர்சி ஹலேவி, “அக்டோபர் 7 அன்று தோல்விக்கான பொறுப்பை நான் ஒப்புக்கொண்டதால்” தான் பதவி விலகுவதாகக் தெரிவித்தார்

இருப்பினும், காசா போரின் இலக்குகள் “அனைத்தும் அடையப்படவில்லை” என்பதை அவர் ஒப்புக்கொண்டார்.

இராணுவம் “ஹமாஸை மேலும் அகற்ற” தொடர்ந்து போராடும், பணயக்கைதிகளை மீண்டும் கொண்டு வரும் மற்றும் தாக்குதல்களால் இடம்பெயர்ந்த இஸ்ரேலியர்கள் வீடு திரும்ப உதவும் என்று குறிப்பிட்டார்.

அவரது அறிவிப்புக்குப் பிறகு சிறிது நேரத்திலேயே, மேஜர் ஜெனரல் யாரோன் ஃபிங்கெல்மேனும் ராஜினாமா செய்தார். காசாவிற்குப் பொறுப்பான இஸ்ரேலின் தெற்கு இராணுவக் கட்டளைக்கு ஃபிங்கெல்மேன் தலைமை தாங்கினார்.