சிரியாவில் கிறிஸ்துமஸ் மரம் எரிப்புக்கு எதிர்ப்பு தெரிவித்து போராட்டம்
சிரியாவில் கிறிஸ்மஸ் மரத்தை எரித்ததற்கு எதிராக போராட்டங்கள் ஆரம்பித்துள்ளன, சிறுபான்மையினரை பாதுகாக்க புதிய இஸ்லாமிய அதிகாரிகள் நடவடிக்கை எடுக்க வேண்டும் என்று வலியுறுத்தியுள்ளனர்.
மத்திய சிரியாவில் கிறிஸ்தவர்கள் அதிகம் வசிக்கும் நகரமான சுகைலாபியாவின் பிரதான சதுக்கத்தில் மரம் தீப்பிடித்து எரிவதை சமூக ஊடகங்களில் வெளியிடப்பட்ட வீடியோ காட்டுகிறது.
ஜனாதிபதி பஷர் அல்-அசாத்தை வீழ்த்திய எழுச்சிக்கு தலைமை தாங்கிய முக்கிய இஸ்லாமியப் பிரிவான ஹயாத் தஹ்ரிர் அல்-ஷாம் (HTS), வெளிநாட்டு போராளிகள் சம்பவம் தொடர்பாக கைது செய்யப்பட்டதாகக் தெரிவித்துள்ளது.
HTS பிரதிநிதிகள் சிரியாவில் மத மற்றும் இன சிறுபான்மையினரின் உரிமைகள் மற்றும் சுதந்திரங்களைப் பாதுகாப்பதாக உறுதியளித்துள்ளனர்.
கிறிஸ்மஸ் ஈவ் கொண்டாட சிரியாவில் உள்ள கிறிஸ்தவர்கள் தயாராவதற்கு முந்தைய நாள் இரவு, முகமூடி அணிந்தவர்கள் கிறிஸ்துமஸ் மரத்தில் அடையாளம் தெரியாத திரவத்தை ஊற்றுவதை சமூக ஊடகங்களில் காண முடிந்தது. தீயை அணைக்க முயன்றார்களா அல்லது பரவ உதவினார்களா என்பது தெரியவில்லை.
(Visited 4 times, 1 visits today)
