இலங்கை: எதிர்க்கட்சித் தலைவர் ஆசனத்தில் அமர்ந்த அர்ச்சுனா: நாடாளுமன்ற ஊழியர்களுடன் வாக்குவாதம்
சர்ச்சைக்குரிய யாழ்.மாவட்ட பாராளுமன்ற உறுப்பினர் கலாநிதி அர்ச்சுனா இராமநாதன் புதிய பாராளுமன்றத்தின் முதல் நாள் பாரம்பரியமாக எதிர்க்கட்சித் தலைவருக்கு ஒதுக்கப்பட்ட ஆசனத்தில் அமர்ந்து தலைப்புச் செய்தியாக இடம்பிடித்தார்.
வைத்தியர் அர்ச்சுனா இராமநாதன் 2024 பொதுத் தேர்தலில் சுயேட்சையாகப் போட்டியிட்டு நாடாளுமன்றத்திற்குத் தேர்ந்தெடுக்கப்பட்டார்.
இன்று இலங்கையின் 10வது பாராளுமன்றத்தின் ஆரம்ப அமர்வில், வைத்தியர் அர்ச்சுனா எதிர்க்கட்சித் தலைவரது ஆசனத்தில் சென்று அமர்ந்துள்ளார். உடனடியாகவே நாடாளுமன்ற ஊழியர்கள் இது எதிர்க்கட்சித் தலைவரின் ஆசனம் எனவே அந்த இடத்திலிருந்து நகருமாறு தெரிவித்தபோதும் அவர் அதற்கு மறுப்பு வெளியிட்டுள்ளார்.
பாராளுமன்ற உறுப்பினர் அர்ச்சுனா இராமநாதன், புதிய பாராளுமன்றத்தின் முதல் நாளில் ஆசன ஏற்பாடுகள் எதுவும் இல்லை என சுட்டிக்காட்டினார்.
எதிர்க்கட்சித் தலைவருக்கான ஆசனத்தை அறிவிக்குமாறு கோரிய எம்.பி., “நாங்கள் நாடாளுமன்ற மரபை மாற்றியுள்ளோம்” எனக் கூறி, தனது இருக்கையில் இருந்து நகர மறுத்தார்.
(Visited 8 times, 1 visits today)
