2024 நோபல் பரிசு: இயற்பியல் துறைக்காக John Hopfield – Geoffrey Hinton வென்றனர்

இந்த ஆண்டுக்கான இயற்பியலுக்கான நோபல் பரிசு அமெரிக்காவின் பிரின்ஸ்டன் பல்கலைக்கழக பேராசிரியர் ஜான் ஜே ஹாப்ஃபீல்ட் மற்றும் கனடாவின் டொராண்டோ பல்கலைக்கழக பேராசிரியர் ஜெஃரி இ ஹிண்டன் ஆகிய இருவருக்கும் பகிர்ந்தளிக்கப்படுகிறது.

மருத்துவம், இயற்பியல், வேதியியல், இலக்கியம், அமைதி, பொருளாதாரம் ஆகிய 6 துறைகளில் சிறந்து விளங்குபவர்களுக்கு ஆண்டுதோறும் ராயல் ஸ்வீடிஷ் அகாடமி ஆஃப் சயின்ஸ் சார்பில் நோபல் பரிசு வழங்கப்பட்டு வருகிறது. மருத்துவத்துக்கான நோபல் பரிசு நேற்று அறிவிக்கப்பட்ட நிலையில், இன்று (அக்.8) இயற்பியலுக்கான நோபல் பரிசு அறிவிக்கப்பட்டுள்ளது.

செயற்கை நரம்பியல் இணைப்புகள் மூலம் இயந்திர கற்றலை செயல்படுத்தும் அடிப்படை கண்டுபிடிப்புகளுக்காக பேராசிரியர் ஜான் ஜே ஹாப்ஃபீல்ட் மற்றும் பேராசிரியர் ஜெஃரி இ ஹிண்டன் ஆகிய இருவருக்கும் இயற்பியலுக்கான நோபல் பரிசு பகிர்ந்தளிக்கப்படுவதாக அறிவிக்கப்பட்டுள்ளது.

ஸ்வீடன் தொழிலதிபர் மற்றும் அறிவியலாளருமான ஆல்ஃபிரட் நோபலின் விருப்பத்திற்கு இணங்க அவரது நினைவாக ஆண்டு தோறும் நோபல் பரிசு வழங்கப்படுகிறது. ஒவ்வொரு விருதுக்கும் சுமார் 10 லட்சம் டாலர்கள் (ரூ.8.30 கோடி) பரிசுத் தொகையாக வழங்கப்பட உள்ளது. இந்நிலையில், வேதியியலுக்கான நோபல் பரிசு நாளையும் (புதன்கிழமை), இலக்கியத்துக்கான நோபல் பரிசு வியாழக்கிழமையும், அமைதிக்கான நோபல் பரிசு வெள்ளிக்கிழமையும், பொருளாதாரத்துக்கான நோபல் பரிசு அக்.14ம் திகதி திங்கள்கிழமையும் அறிவிக்கப்பட உள்ளன. நோபல் வெற்றியாளர்களுக்கு டிசம்பர் மாதம் 1ம் திகதி ஆல்ஃபிரட் நோபலின் நினைவு நாளில் பரிசுகள் வழங்கப்படும்.

See also  ஹைட்டியில் கும்பல் தாக்குதலில் 70 பேர் பலி - ஐ.நா

தொடர்புடைய செய்திகள்:

போர் மிகவும் கடுமையானது : தொடர்ந்து போராடுவதைத் தவிர எங்களுக்கு வேறு வழியில்லை -பெஞ்சமின் நெதன்யாகு பங்களாதேஷ் கொடியுடன் கூடிய கப்பலை விடுவித்த சோமாலிய கடற்கொள்ளையர்கள் AI ஆல் தொழில்களை இழக்கும் மக்கள் : மஸ்க் முன்வைக்கும் தீர்வு! கரிபிய நாடுகளுக்கு ஆபத்தான சூறாவளி குறித்து எச்சரிக்கை சூரிச் உயிரியல் பூங்காவில் 49 வயது யானையை கருணைக்கொலை கனேடிய அரசு வெளிநாட்டு மாணவர்கள் தொடர்பாக கடுமையான முடிவை எடுத்துள்ளது