நாளை பாடசாலைகளை நடத்துவது குறித்து சிறப்பு அறிவிப்பு

நாளை (09) பாடசாலைகளை நடத்துவது தொடர்பான அறிவிப்பு கல்வி அமைச்சினால் வெளியிடப்பட்டுள்ளது.

இதன்படி, நாளை அனைத்து அரசு பாடசாலைகளும் வழக்கம் போல் நடைபெறும் என அறிவிப்பில் தெரிவிக்கப்பட்டுள்ளது.

பல்வேறு கோரிக்கைகளை முன்வைத்து 200க்கும் மேற்பட்ட அரச சேவை தொழிற்சங்கங்கள் இன்றும் (8ம் திகதி) நாளையும் (09ம் திகதி) சுகயீன விடுமுறையை அறிவிக்கும் தொழிற்சங்க நடவடிக்கையை ஆரம்பித்துள்ளன.

ஆசிரியர்கள் மற்றும் அதிபர்கள் நாளை சுகயீன விடுமுறையை அறிவித்து இந்த தொழிற்சங்க நடவடிக்கையில் ஈடுபடவுள்ளதாக இலங்கை ஆசிரியர் சங்கத்தின் பொதுச் செயலாளர்  ஜோசப் ஸ்டாலின் தெரிவித்துள்ளார்.