உக்ரைன் நடத்திய தாக்குதலில் மேலும் 16 பேர் உயிரிழப்பு

ரஷ்யப் படைகள் கைப்பற்றிய பகுதி மீது உக்ரைன் ராணுவம் நடத்திய ஷெல் தாக்குதலில் 16 பேர் பலியாகியுள்ளதாக வெளிநாட்டு ஊடகங்கள் செய்தி வெளியிட்டுள்ளன.

ரஷ்யப் படைகளால் கைப்பற்றப்பட்ட தெற்கு டோக்மாக் என்ற பகுதியில் இந்தத் தாக்குதல் நடத்தப்பட்டுள்ளதாகத் தெரிவிக்கப்படுகிறது.

ரஷ்யாவுக்கு சொந்தமான இந்த பகுதியை குறிவைத்து உக்ரைன் தொடர் ஷெல் தாக்குதல்களை நடத்தி வருகிறது.

தாக்குதலில் மேலும் 20 பேர் காயமடைந்துள்ளதாகவும் அவர்களில் 12 பேரின் நிலைமை கவலைக்கிடமாக இருப்பதாகவும் வெளிநாட்டு ஊடகங்கள் மேலும் தெரிவித்துள்ளன.