ஆஸ்திரேலியாவில் பெற்றோரின் கவனயீனம் – 3 வயது சிறுமியின் பரிதாப நிலை

ஆஸ்திரேலியாவின் வடக்கு விக்டோரியாவில் பாடசாலை பேருந்தில் 3 வயது சிறுமியை கிட்டத்தட்ட 5 மணிநேரம் விட்டுச் சென்ற சம்பவம் குறித்து விக்டோரியா மாநில பொலிஸ் விசாரணையைத் தொடங்கியுள்ளது.

இந்த சிறுமியை ஷெப்பர்டனில் உள்ள அவரது வீட்டில் இருந்து கடந்த 10ம் திகதி காலை 09 மணியளவில் பகல் நேரப் பேருந்து ஒன்று ஏற்றிச் சென்றது.

எனினும் அவர் மதியம் 02.45 மணி வரை பேருந்திலேயே இருந்தமை உறுதிப்படுத்தப்பட்டுள்ளது.

பகல்நேர பராமரிப்பு நிலையத்தின் ஊழியர் ஒருவரால் சிறுமியைக் கண்டுபிடித்தபோது, ​​​​அவள் தண்ணீர் இல்லாததால் நீரிழப்புடன் இருந்ததாகக் கூறப்படுகிறது.

குறித்த சிறுமி உடனடியாக வைத்தியசாலையில் அனுமதிக்கப்பட்டுள்ளதாகவும், கடும் வெப்பத்தினால் பாதிக்கப்பட்டுள்ளதாகவும் தெரிவிக்கப்படுகின்றது.