சிங்கப்பூரில் வேலை பார்க்கும் கணவர் – மனைவி எடுத்த விபரீத முடிவு – பிள்ளைகளின் பரிதாப நிலை

சிங்கப்பூரில் கணவர் வேலைபார்த்து வரும் நிலையில், மனைவி சொந்த ஊரில் உயிரை மாய்த்து கொண்டுள்ளார்.

இந்த சம்பவம் அனைவரையும் சோகத்தில் ஆழ்த்தியுள்ளதென செய்தி வெளியாகியுள்ளது.

புதுச்சேரி, பெரியக்காலாப்பட்டு பகுதியை சேர்ந்த மீனவரான பழனி சிங்கப்பூரில் வேலை செய்து வருகிறார். இவர் திருமணம் செய்துக் கொண்டுள்ள நிலையில் 32 வயதான ரஞ்சிதா என்ற மனைவி சொந்த ஊரில் வசித்து வருகின்றார்.

சிங்கப்பூரில் இருந்து மனைவி ரஞ்சிதாவிற்கு கடந்த மார்ச் 4ம் தேதி போன் செய்து பழனி பேசியுள்ளார். அப்போது குழந்தைகள் காதணி விழா புகைப்படம் தொடர்பாக அவர்களுக்குள் வாக்குவாதம் முற்றியுள்ளது.

இதன் காரணமாக விரக்தி அடைந்த ரஞ்சிதா துாக்கிட்டு உயிரை மாய்த்து கொண்டுள்ளார். அவரை மீட்ட அக்கம்பக்க மக்கள் அரச மருத்துவமனையில் சேர்த்தனர்.

அவருக்கு சிகிச்சை அளிக்கப்பட்டு வந்த நிலையில், அது பலனளிக்காமல் கடந்த 5 நாள் முன்னர் ரஞ்சிதா இறந்தார்.

இதுகுறித்து பெண்ணின் தந்தை கொடுத்த புகாரின்பேரில் வழக்குப்பதிவு செய்யப்பட்டு, பொலிஸார் விசாரணை செய்து வருகின்றனர்.