போர் முடிவா நாடகமா – அபுதாபியில் ரஷ்யா–உக்ரைன்–அமெரிக்கா முத்தரப்பு பேச்சு

2022 பெப்ரவரி மாதத்தில் ரஷ்யா முழு அளவிலான படையெடுப்பை தொடங்கியதற்குப் பிறகு, முதன்முறையாக ரஷ்யா, உக்ரைன் மற்றும் அமெரிக்கா இடையிலான முத்தரப்பு பேச்சுவார்த்தைகள்  அபுதாபியில் இன்று நடைபெறுகின்றன.

உக்ரைனுக்கு கடினமான நேரத்தில் நடைபெறும் இந்த பேச்சுவார்த்தைகள், ரஷ்யா அமைதிக்காக உண்மையாகவே முயற்சிக்கிறதா அல்லது நேரத்தை வீணடிக்கிறதா  என்பதை அறிய ஒரு முக்கிய வாய்ப்பாக பார்க்கப்படுகிறது.

உக்ரைன் ஜனாதிபதி வோலோடிமிர் செலென்ஸ்கி, இந்த பேச்சுவார்த்தைகள் “போரைக் முடிவுக்கு கொண்டு வருவதற்கான நம்பிக்கையின் ஒரு படி” என்று கூறினார். இந்த சந்திப்பு, உக்ரைனின் கிழக்கு டான்பாஸ் பிராந்தியத்தின் நிலை குறித்து முக்கியமாக பேசப்படும் என்றும் அவர் தெரிவித்தார்.

நேற்று டாவோஸில் நடைபெற்ற உலக பொருளாதார மன்றத்தில், போர் முடிவுக்கு வந்தால் உக்ரைனுக்கு வழங்கப்படும் எதிர்கால அமெரிக்க பாதுகாப்பு உத்தரவாதங்கள் தொடர்பாக டொனால்ட் ட்ரம்புடன் உடன்பாடு ஏற்பட்டதாக செலென்ஸ்கி கூறினார்.

இதற்கு முன்னதாக, ரஷ்ய ஜனாதிபதி விளாடிமிர் புடின் மற்றும் ட்ரம்பின் தூதர்கள் மாஸ்கோவில் பயனுள்ள ஆனால் “நேர்மையான” பேச்சுவார்த்தைகளை நடத்தியிருந்தனர்.