இலங்கையில் கண்டுபிடிக்கப்பட்ட உலகின் மிகப்பெரிய இயற்கை ஊதா நட்சத்திர இரத்தினம்

இலங்கையில் கண்டுபிடிக்கப்பட்ட பெரிய இயற்கை ஊதா நட்சத்திர இரத்தினம் உலகளாவிய அறிவியல் மற்றும் கலாச்சார மேடையில் அறிமுகப்படுத்தப்பட்டுள்ளது.

“தூய நிலத்தின் நட்சத்திரம்” (Star of Pure Land) என அழைக்கப்படும் இந்த ரத்தினம் 3,536 கரட் நிறையுடையது.

அமெரிக்க இரத்தினவியல் நிறுவனம் (GIA) மற்றும் லங்கா இரத்தினவியல் ஆய்வகத்தால் அதன் தோற்றம் மற்றும் உண்மை தன்மை சான்றளிக்கப்பட்டது.

இந்த கல் ஆறு கதிர் நட்சத்திர வடிவத்தில் உள்ளது, இதுவரை பதிவு செய்யப்பட்ட மிகப்பெரிய வட்ட-வெட்டு இயற்கை ஊதா நட்சத்திர இரத்தினமாக உள்ளதென இரத்தினவியலாளர்கள் கூறுகின்றனர்.

மில்லியன் கணக்கான ஆண்டுகளாக இயற்கை புவியியல் செயல்முறைகளால் உருவான இதை செயற்கையாக வடிவமைக்க முடியாது என்றும், அதை உருவாக்க தேவையான நிலைகள் மிகவும் அரிதாக இருப்பதாக நிபுணர்கள் கூறுகின்றனர்.

இந்த இரத்தினம் அறிவியல், கலாச்சார மற்றும் வரலாற்று முக்கியத்துவம் வாய்ந்ததாகும்.

அதனை பாதுகாக்கும் பொறுப்பு அமெரிக்காவில் உள்ள Tucson Masterpiece Gem Society க்குக் கொடுக்கப்பட்டுள்ளது.

கொழும்பு மாநாட்டில் உள்ளூர் மற்றும் சர்வதேச ஊடகங்கள், விஞ்ஞானியர்கள் மற்றும் கலாச்சார பிரதிநிதிகள் பங்கேற்றனர்.

இரத்தினத்தின் அறிவியல் மற்றும் வரலாற்று ஆவணங்கள் நிரந்தர பதிவில் பாதுகாக்கப்படும் என்றும் தெரிவிக்கப்பட்டது.