கோலத்தை அழித்ததால் ஆத்திரத்தில் காரை அடித்து நொறுக்கிய பெண் – அதிர்ச்சி வீடியோ!
மத்திய பிரதேசம் மாநிலத்தில் கோலத்தின் மீது காரை ஏற்றியதால் ஆத்திரத்தில் காரின் கண்ணாடிகளை பெண் ஒருவர் அடித்து நொறுக்கும் வீடியோ காட்சிகள் இணையத்தில் வேகமாக பரவி வருகிறது.
மத்திய பிரதேச மாநிலம் நர்சிங்பூர் பகுதியைச் சேர்ந்தவர் மது ஜெயின். இவர் தனது வீட்டு வாசலில் ரங்கோலி கோலமிட்டு இருந்ததாக தெரிகிறது. அப்போது அருகாமை வீட்டில் வசித்து வந்த நபர் ஒருவர் அவரது காரை அந்த கோலத்தின் மீது நிறுத்தியுள்ளார். இதில் கோலம் அழிந்துள்ளதாக தெரிகிறது.
இதனால் ஆத்திரமடைந்த மது ஜெயின், இரும்பு கம்பி ஒன்றை எடுத்து வந்து கார் கண்ணாடிகளை அடித்து நொறுக்கினார். மேலும் இதை தட்டிக் கேட்க முயற்சித்த காரின் உரிமையாளர்களையும் அவர் கடுமையாக வசை பாடினார். இதை அவர் வீடியோவாகவும் எடுத்து சமூக வலைதளங்களில் பதிவிட்டுள்ளார்.
Hooliganism in Madhya Pradesh’s Narsinghpur by this lady Madhu Jain who destroyed a car as her Rangoli was erased by this car.
— News Arena India (@NewsArenaIndia) November 25, 2023
இந்த சம்பவம் தற்போது பெரும் பரபரப்பை ஏற்படுத்தியுள்ள நிலையில் இந்த வீடியோ சமூக வலைதளங்களில் வைரலாக பரவி வருகிறது. கோலத்தை அழித்ததற்காக காரை அடித்து சேதப்படுத்திய சம்பவத்தை பார்த்த நெட்டிசங்கள், கோலத்துக்கு போரா என வடிவேலு பாணியில் கமெண்ட் செய்து வருகின்றனர். இது தொடர்பாக கார் உரிமையாளர்கள் அளித்த புகாரின் பேரில் பொலிஸார் விசாரணை மேற்கொண்டு வருகின்றனர்.
(Visited 5 times, 1 visits today)
