யாழில் கழுத்து நொித்து பெண் கொலை – உடலில் கீறல் காயங்கள்
யாழ்ப்பாணம் – வடமராட்சி கிழக்கு பகுதியில் குடும்ப பெண்ணொருவர், வெள்ளிக்கிழமை (10) கழுத்து நெரித்து கொலை செய்யப்பட்டுள்ளார்.
உடுத்துறை வடக்கு, தாளையாடியை சேர்ந்த 44 வயதுடைய ஜெகசீலன் சங்கீதா என்பவரே படுகொலை செய்யப்பட்டுள்ளார். குறித்த பெண் வீட்டின் கழிவறைக்கு முன்பாக வைக்கப்பட்டிருந்த நீர் நிரப்பப்பட்ட கொள்கலனினுள் (பரல்) தலை மூழ்கிய நிலையில் சடலமாக காணப்பட்டுள்ளார்.
அது தொடர்பில் மருதங்கேணி பொலிஸாருக்கு அறிவிக்கப்பட்டதை அடுத்து, சம்பவ இடத்திற்கு விரைந்த பொலிஸார் சடலத்தை மீட்டு , பருத்தித்துறை ஆதார வைத்தியசாலையில் உடற்கூற்று பரிசோதனைக்காக ஒப்படைத்தனர்.
உடற்கூற்று பரிசோதனையில் துணி ஒன்றினால், பெண்ணின் கழுத்தை நெரித்து படுகொலை செய்யப்பட்டுள்ளமை கண்டறியப்பட்டுள்ளது. சம்பவம் தொடர்பில் மருதங்கேணி பொலிஸார் விசாரணைகளை முன்னெடுத்துள்ளனர்.
இதேவேளை சடலத்தில் கீறல் காயங்கள் காணப்படும் நிலையில் பலாத்கார முயற்சியாக இருக்கலாம் என கூறப்படுவதுடன், சடலத்தை புதைக்குமாறு உத்தரவிடப்பட்டுள்ளது.
(Visited 7 times, 1 visits today)
தொடர்புடைய செய்திகள்:
உயர் தரத்தை நிறைவு செய்யும் மாணவர்களுக்கு தொழிற்கல்வி
முல்லைத்தீவு-புதுக்குடியிருப்பில் புதையல் தோண்டிய 6 பேர் கைது
இலங்கையில் சிறுவர்களுக்கு ஏற்பட்டுள்ள பரிதாப நிலை!
எவன்கார்ட் நிறுவனத்தால் ரஷ்ய யுத்தத்திற்கு இலங்கையர்கள் விற்கப்படுகின்றனர் – தயாசிறி ஜயசேகர
சற்றுமுன்னர் இலங்கை வந்தடைந்த இந்திய வெளிவிவகார அமைச்சர்
சாதாரண தர பரீட்சை – இலங்கையில் முதலிடம் பெற்ற காலி சங்கமித்த பெண்கள் கல்லூரி மாணவி
