போலி அடையாள அட்டையை பயன்படுத்தி வங்கி கடன் பெற்ற பெண் கைது : இலங்கையில் சம்பவம்!

பாணந்துறை   வைத்தியசாலையில் தாதி ஒருவரின் பணப்பையை திருடி அவருடைய தேசிய அடையாள அட்டையை பயன்படுத்தி தனியார் வங்கியில் கடன் பெற்று மோசடி செய்த மற்றுமொரு தாதி கைது செய்யப்பட்டுள்ளதாக பாணந்துறை தெற்கு பொலிஸார் தெரிவிதுள்ளனர்.

மருத்துவமனையின் தீவிர சிகிச்சை பிரிவில் பணிபுரியும் செவிலியர் ஒருவரே இவ்வாறு  கைது செய்யப்பட்டுள்ளார்.

கடந்த ஓகஸ்ட் 16ஆம் திகதி, ஹொரண பிரதேசத்தைச் சேர்ந்த முறைப்பாட்டாளரின் பணப்பை, அதிதீவிர சிகிச்சைப் பிரிவில் இருந்த போது, ​​2,000 ரூபாவுக்கும் அதிகமான பணம் மற்றும் அடையாள அட்டை உள்ளிட்ட ஆவணங்களுடன் காணாமல்போயுள்ளது.

இதனையடுத்து இந்த விவகாரம் குறித்து பாணந்துறை தெற்கு பொலிஸ் நிலையத்தில் முறைப்பாடு பதிவு செய்யப்பட்டுள்ளது.

இந்நிலையில், கடந்த இரண்டு நாட்களுக்கு முன்னர்,  பாணந்துறையில் உள்ள தனியார் வங்கியொன்றில் இருந்து  நீங்கள் வாங்கிய கடன் தொகையின் தவணை சரியாக செலுத்தப்படவில்லை என்றும், அதனை செலுத்துமாறும் நினைவூட்டல் கடிதம் அனுப்பப்பட்டுள்ளது.

இதனையடுத்து குறித்த தாதி இந்த விடயத்தை பொலிஸாருக்கு தெரியப்படுத்தியுள்ளார். இதன்பின்னரே சந்தேகநபர் கைது செய்யப்பட்டு பாணந்துறை நீதவான் நீதிமன்றில் ஆஜர்படுத்தப்பட்டுள்ளார்.

See also  மத ஸ்தலங்களில் இருந்து பாதுகாப்பை திரும்பப் பெறும் திட்டம் இல்லை: இலங்கை காவல்துறை அறிவிப்பு

தொடர்புடைய செய்திகள்:

மோட்டார் சைக்கிள் விபத்தில் தந்தை மகன் பலி – தாய் மருதிதவமனையில் அனுமதி ! யாழில் கொரோனா தொற்றினால் ஒருவர் உயிரிழப்பு! அமெரிக்காவிலிருந்து விவசாயி ஒருவருக்கு வந்த 10 கோடி ரூபாய் பெறுமதியான போதைப்பொருள் பொதி! இலங்கை தேர்தல் முடிவுகள் – யாழ்ப்பாணத்தில் முன்னணி வகிக்கும் சஜித்! இலங்கையின் 9வது நிறைவேற்று ஜனாதிபதியாக அனுரகுமார திஸாநாயக்க பதவியேற்றார்