சுவிட்சர்லாந்தில் கணவனின் தற்கொலைக்கு உதவி செய்த மனைவியிடம் விசாரணை!

சுவிட்சர்லாந்தில் உள்ள டிக்னிடாஸில் தனது கணவரின் தற்கொலைக்கு உதவியதற்காக காவல்துறை விசாரணையில் உள்ள ஒரு பெண், தனக்கு எந்த வருத்தமும் இல்லை என்று சர்வதேச ஊடகம் ஒன்றிடம் தெரிவித்துள்ளார்.

இங்கிலாந்து மற்றும் வேல்ஸில் உதவி இறப்பு முறையை அறிமுகப்படுத்துவதற்கான சட்டத்தில் பாராளுமன்றம் மீண்டும் வாக்களிக்கத் தயாராகி வரும் நிலையில், அவர் இந்த தகவலை வெளியிட்டுள்ளார்.

தனது கணவர் அந்தோணி இறப்பதைக் கண்டு சுவிட்சர்லாந்திலிருந்து திரும்பிய திருமதி ஷேக்லெட்டன் போலீசில் சரணடைந்தார்.

அவரின் கணவர் ஆறு ஆண்டுகளாக மோட்டார் நியூரோன் நோயால் அவதிப்பட்டு வந்ததாக குறிப்பிட்டள்ளார்.

“நான் ஒரு குற்றத்தைச் செய்தேன், நான் ஒப்புக்கொண்டேன், அவரை விமானத்தில் தள்ளிவிட்டு அவருடன் இருந்ததன் மூலம் அவருக்கு உதவி செய்தேன், அதை நான் ஒரு கணம் கூட வருத்தப்படவில்லை. அவர் என் கணவர், நான் அவரை நேசித்தேன்,” என்று அவர் கூறியுள்ளார்.

“நாங்கள் இரண்டு வருடங்களாக இதைப் பற்றி நீண்ட நேரம் பேசினோம். அவர் பல சந்தர்ப்பங்களில் என்னிடம் சொன்னது என்னவென்றால், நான் அங்கு சென்றால் நான் நிம்மதியாக, கருணையுடன், வலியின்றி, துன்பமின்றி இறக்கலாம் எனத் தெரிவித்ததாகவும் அவர் மேலும் கூறியுள்ளார்.

“அவருக்கு வேறு வழிகள் இல்லை. அவர் விரும்பியது ஒரு நல்ல மரணத்தைத் தவிர வேறொன்றுமில்லை.” என்றும் அவர் கூறியுள்ளார்.

இங்கிலாந்தில் உள்ள சட்டம் மற்றவர்களின் தற்கொலைக்கு உதவுவதைத் தடை செய்கிறது, ஆனால் வழக்குத் தொடுப்பது அரிதானது.