இலங்கையின் பொருளாதார வளர்ச்சி குறித்து உலக வங்கி கூறுவது என்ன?

இலங்கையின் பொருளாதார வளர்ச்சி 2026 மற்றும் 2027 ஆம் ஆண்டுகளில் மெதுவாகவே இருக்கும் என உலக வங்கி World Bank கணித்துள்ளது.

உலக வங்கியினால் வெளியிடப்பட்டுள்ள அறிக்கையொன்றில் இவ்விடயம் சுட்டிக்காட்டப்பட்டுள்ளது.

இலங்கையின் மொத்த உள்நாட்டு உற்பத்தி வளர்ச்சி 2026 ஆம் ஆண்டில் 3.5 சதவீதமாகவும், 2027 ஆம் ஆண்டில் 3.1 சதவீதமாகவும் இருக்கும்.

இது 2025 இல் மதிப்பிடப்பட்ட 4.6 சதவீதத்தை விடக் குறைவாகும் என உலக வங்கி சுட்டிக்காட்டியுள்ளது.

அண்மைய பொருளாதார நெருக்கடியின் நீடித்த விளைவுகள் மற்றும் உலகளாவிய நிச்சயமற்ற தன்மை என்பவற்றால் இந்நிலைய ஏற்படக்கூடும் என கூறப்பட்டுள்ளது.

அதேவேளை, உலகளாவிய பொருளாதார வளர்ச்சி 2026 ஆம் ஆண்டில் 2.6 சதவீதமாகக் குறையும் என்றும், பின்னர் 2027 ஆம் ஆண்டில் 2.7 சதவீதமாக உயரும் என்றும் எதிர்பார்க்கப்படுகிறது.