அமைச்சு வழங்கினால் அதனை ஆய்வு செய்வோம் – சுமந்திரன்

தேசிய மக்கள் சக்தி அரசாங்கத்தில் அமைச்சுப் பதவிக்கான அழைப்பிதழ் கிடைத்தால் அதுபற்றி ஆய்வு செய்ய வேண்டும் என தமிழ்த் தேசியக் கூட்டமைப்பின் முன்னாள் நாடாளுமன்ற உறுப்பினர் எம்.ஏ.சுமந்திரன் தெரிவித்துள்ளார்.

யாழ்ப்பாணத்தில் இன்று (31) நடைபெற்ற ஊடகவியலாளர் சந்திப்பில் சுமந்திரன் இதனைக் குறிப்பிட்டுள்ளார்.

6 வருடங்களுக்கு முன்னர் யாழ்ப்பாணத்தில் நடைபெற்ற மே தினக் கொண்டாட்டத்தில் ஜனாதிபதி அனுரகுமார திஸாநாயக்கவுடன் சிவப்பு ரிப்பன் அணிந்திருந்த படங்கள் தற்போதும் காணப்படுகின்ற போதிலும் அமைச்சுப் பதவிகளை இலக்காகக் கொண்டு அவ்வாறான படங்களை தன்னுடன் எடுக்கப் போவதில்லை எனவும் சுமந்திரன் இங்கு தெரிவித்துள்ளார்.

“கடந்த காலங்களில் அமைச்சுப் பதவிகளைப் பெறக் கூடாது என்ற கருத்து இருந்தது.

நிலையான அரசியல் தீர்வு கிடைக்கும் வரை மத்திய அரசு உறுப்புரிமையை பெறக்கூடாது என்ற கருத்தும் இருந்தது.

ஆனால் கட்சியின் கொள்கை அதுவல்ல, 1966ல் இருந்து எமது கட்சியின் பிரதிநிதிகள் அமைச்சுப் பதவிகளை வகித்து வந்த காலம் மாறிவருகிறது.

சூழ்நிலைகளும் மாறுகின்றன. அதன்படி, அப்படி வாய்ப்பு கிடைத்தால் அதனை ஆய்வு செய்ய வேண்டும் என்பதே எனது நிலைப்பாடு’’ என்றார்