ரணில் கைது செய்யப்பட்ட விடயத்தில் அரசியல் தலையீடுகள் இருந்ததா?
முன்னாள் ஜனாதிபதி ரணில் விக்கிரமசிங்கே ஊழல் குற்றச்சாட்டுகளில் கைது செய்யப்பட்ட விடயத்தில் அரசியல் தலையீடுகள் இல்லை என ஜனாதிபதி அனுரகுமார திஸாநாயக்க தெரிவித்துள்ளார்.
சர்வதேச ஊடகம் ஒன்றுக்கு வழங்கிய செவ்வியில் அவர் இவ்வாறு குறிப்பிட்டுள்ளார்.
இதன்போது மேலும் கருத்து வெளியிட்ட அவர், “விக்கிரமசிங்கவின் கைது நியாயமானதா என்பது ஆதாரங்களைப் பொறுத்தது, மேலும் அது சரியான செயல்முறை மூலம் நீதிமன்றத்தில் சோதிக்கப்பட வேண்டும். ஊடகங்கள் அல்லது அரசியல் அழுத்தம் மூலம் அல்ல.
பல தசாப்தங்களாக கட்டமைக்கப்பட்ட நிறுவனங்களில் ஊழல் ஆழமாக வேரூன்றியுள்ளதால்தான் அது அவ்வாறு தெரிகிறது. இதன் பொருள், விஷயங்களைச் சரியாகச் செய்வதற்கு கைதுகள் மட்டுமல்ல, முறையான மாற்றம் தேவை” எனக் கூறியுள்ளார்.
