இலங்கையில் சமூக ஊடகங்களில் வலம் வரும் போலி ‘வாட்ஸ்அப்’ (Whatsapp) குறித்து எச்சரிக்கை!
இலங்கையில் ஒவ்வொரு கல்வி வலயத்திலும் உள்ள ஆசிரியர்களை ஒன்றிணைப்பதற்காக ‘புதிய கல்வி சீர்திருத்தங்கள் மூலம் “கல்வி கவுன்சில்’ என்ற தலைப்பில் ஒரு போலி ‘வாட்ஸ்அப்’ (Whatsapp) குழு பராமரிக்கப்பட்டு வருவதாக கல்வி அமைச்சகம் தெரிவித்துள்ளது.
இது தொடர்பில் அறிக்கை வெளியிட்ட அமைச்சகம், இந்தக் குழு கல்வி, உயர்கல்வி மற்றும் தொழிற்கல்வி அமைச்சின் ஒப்புதலுடன் பராமரிக்கப்படவில்லை என்று தெரிவித்துள்ளது.
அதன் மூலம் மேற்கொள்ளப்படும் நடவடிக்கைகளுக்கு அமைச்சகம் எந்தப் பொறுப்பையும் ஏற்காது என்றும் அந்த அறிக்கையில் கூறப்பட்டுள்ளது.
புதிய கல்வி சீர்திருத்தத் திட்டத்தையும் அரசாங்கத்தையும் சங்கடப்படுத்தும் நோக்கில் பராமரிக்கப்படும் இத்தகைய போலி குழுக்களால் ஏமாற வேண்டாம் என்றும், அது குறித்து விழிப்புடன் இருக்குமாறும் சம்பந்தப்பட்ட தரப்பினரை கல்வி அமைச்சகம் கேட்டுக்கொண்டுள்ளது.
(Visited 3 times, 4 visits today)
