முன்னாள் அமெரிக்க கைதியை தொழில்துறை அமைச்சராக அறிவித்த வெனிசுலா

கடந்த ஆண்டு அமெரிக்காவுடனான கைதிகள் பரிமாற்றத்தில் விடுவிக்கப்பட்ட வெனிசுலா ஜனாதிபதி நிக்கோலஸ் மதுரோவின் நெருங்கிய கூட்டாளியான தொழிலதிபர் அலெக்ஸ் சாப் தொழில்துறை அமைச்சராக நியமிக்கப்பட்டுள்ளார்.

சர்ச்சைக்குரிய ஜனாதிபதித் தேர்தலைத் தொடர்ந்து மதுரோ எண்ணெய் அமைச்சகத்திலிருந்து தொழில்துறை அமைச்சகத்திற்கு மாற்றப்பட்ட Pedro Tellechea என்பவருக்குப் பதிலாக சாப் நியமிக்கப்பட்டார்.

பணமோசடி குற்றச்சாட்டுகளை எதிர்கொள்வதற்காக கேப் வெர்டேவிலிருந்து அமெரிக்காவிற்கு நாடு கடத்தப்பட்ட பின்னர், கடந்த ஆண்டு இறுதியில் அமெரிக்காவுடனான கைதிகள் பரிமாற்றத்தில் சாப் விடுவிக்கப்பட்டார்.

அமைச்சரவையின் ஒரு பகுதியாக பணியாற்றியதற்கு நன்றி தெரிவித்துக் கொள்வதாகவும், “உடனடி கவனம் தேவைப்படும் உடல்நலப் பிரச்சனைகள் காரணமாக தொழில்துறை அமைச்சர் பதவியை ராஜினாமா செய்ததாகவும் Tellechea சமூக ஊடகங்களில் தெரிவித்தார்.