ரஷ்யாவில் ஒன்றுடன் ஒன்று மோதி விபத்துக்குள்ளான வாகனங்கள் : 8 பேர் பலி!

ரஷ்யாவின் தாகெஸ்தான் பகுதியில் பயணிகள் பேருந்து, டிரக் மற்றும் ஆட்டோமொபைல் ஆகிய வாகனங்கள் ஒன்றுடன் ஒன்று மோதி ஏற்பட்ட விபத்தில் 8 பேர் உயிரிழந்துள்ளனர்.

அத்துடன் 16 பேர் காயமடைந்துள்ளதாகவும், உள்துறை அமைச்சகம் கூறியுள்ளது.

மாஸ்கோவிலிருந்து தெற்கே சுமார் 1,500 கிலோமீட்டர் (925 மைல்) தொலைவில் உள்ள காசாவ்யுர்ட் நகருக்குச் சென்று கொண்டிருந்த பேருந்துடன் மேற்படி வாகனங்கள் மோதியுள்ளன.

விபத்துக்கான காரணம் கண்டறியப்படாத நிலையில், விசாரணைகள் ஆரம்பிக்கப்பட்டுள்ளதாக அறிவிக்கப்பட்டுள்ளது.