இலங்கையில் உச்சம் தொட்டது மரக்கறிகளின் விலைகள்!

இலங்கையில் கடந்த வாரத்தை விட மரக்கறிகளின் விலை அதிகரித்துள்ளதாக தெரிவிக்கப்பட்டுள்ளது.

தம்புள்ளை பொருளாதார மத்திய நிலையத்தில் இன்று (29.12) ஒரு கிலோ பீன்ஸ் மொத்த விற்பனை விலை 350 முதல் 400 ரூபா வரையிலும், பச்சை மிளகாய் ஒரு கிலோ 800 முதல் 900 ரூபா வரையிலும் விலை அதிகரித்துள்ளது.

இது தவிர கேரட், வெண்டைக்காய், தக்காளி உள்ளிட்ட பல வகையான காய்கறிகளின் விலையும் ஒப்பீட்டளவில் அதிகரித்துள்ளது.

இதேவேளை, கடந்த வாரத்துடன் ஒப்பிடுகையில், இன்றைய நிலவரப்படி உள்ளூர் சந்தையில் மலையகம் மற்றும் கீழ்நில மரக்கறி விலைகள் வேகமாக அதிகரித்துள்ளதாக மரக்கறி விற்பனையாளர்கள் தெரிவிக்கின்றனர்.

160 ரூபாயாக இருந்த ஒரு கிலோ பூசணிக்காய் தற்போது 300 – 400 ரூபாயாக உயர்ந்துள்ளதாக தெரிவிக்கின்றனர்.

மற்ற அனைத்து காய்கறி வகைகளின் விலையும் தற்போது 500-800 ரூபாய்க்குள் இருப்பதாகவும் கூறுகின்றனர்.

ஒரு கிலோ பச்சை மிளகாய்  1400க்கும், நைமிளகாய் கிலோ ரூ.1500க்கும், தக்காளி கிலோ  600-800க்கும் விற்பனை செய்யப்படுகிறது என்றனர்.

மேலும் அவர்கள் கருத்து தெரிவிக்கையில், நத்தார் பண்டிகை முடிந்து ஒவ்வொரு ஆண்டும் காய்கறிகளின் விலை அதிகரிக்கும், ஆனால் அடுத்த ஆண்டு முதல் சில வாரங்களில் தேவைக்கேற்ப காய்கறிகள் வரத்து இருக்கும் என்பதால் விலை குறையும் என எதிர்பார்க்கலாம்.