அமெரிக்க ஜனாதிபதி தேர்தல் – 2 மாநிலங்களில் வாக்குப்பெட்டிகளுக்கு தீ வைப்பு

அமெரிக்க ஜனாதிபதி தேர்தலில் 2 மாநிலங்களில் வாக்குப்பெட்டிகளுக்கு தீ வைக்கப்பட்டதாக தெரியவந்துள்ளது.

இது தொடர்பாக பொலிஸார் விசாரனை மேற்கொண்டு வருகின்றனர்.

நவம்பர் 5-ஆம் திகதி, அங்கு அதிபர் தேர்தல் நடைபெற உள்ள நிலையில், மக்கள் முன்கூட்டியே வாக்கு செலுத்த ஏதுவாக பல இடங்களில் வாக்குச்சாவடிகள் அமைக்கப்பட்டுள்ளன.

இந்நிலையில், கடும் போட்டி நிலவும் என எதிர்பார்க்கப்படும் வாஷிங்டனிலும், ஆரிகனிலும் இரு வாக்குச்சாவடிகளில் வாக்குப்பெட்டிகளுக்குள் விஷமிகள் தீயை கொளுத்தி போட்டதாக பொலிஸார் தெரிவித்துள்ளனர்.

வாக்குப்பெட்டிக்குள் பொருத்தப்பட்டிருந்த தீயணைப்பான் கருவியால் நெருப்பு கட்டுக்குள் கொண்டுவரப்பட்டது.

இருந்தபோதும் நூற்றுக்கும் மேற்பட்ட வாக்குச் சீட்டுகள் எரிந்துபோயிருக்கலாம் என பொலிஸார் தெரிவிக்கின்றனர்.