அமெரிக்க உதவி முடக்கத்தால் HIV மற்றும் AIDS இறப்புகள் அதிகரிக்கக்கூடும் – ஐ.நா

அமெரிக்காவால் முடக்கப்பட்ட நிதி மீட்டெடுக்கப்படாவிட்டால் அல்லது மாற்றப்படாவிட்டால், உலகம் முழுவதும் ஒரு நாளைக்கு 2,000 புதிய எச்.ஐ.வி தொற்றுகள் ஏற்படக்கூடும், மேலும் தொடர்புடைய இறப்புகளில் பத்து மடங்கு அதிகரிப்பு ஏற்படலாம்என்று ஐக்கிய நாடுகள் சபையின் எய்ட்ஸ் நிறுவனம் தெரிவித்துள்ளது.

அமெரிக்க ஜனாதிபதி டொனால்ட் டிரம்ப் கிட்டத்தட்ட அனைத்து அமெரிக்க வெளிநாட்டு உதவிகளையும் நிறுத்தி வைத்தார். சில நாட்களுக்குப் பிறகு, ஜனாதிபதியின் எய்ட்ஸ் நிவாரணத்திற்கான அவசரத் திட்டத்தின் (PEPFAR) கீழ் உயிர்காக்கும் எச்.ஐ.வி பணிகள் தொடரும் என்று அமெரிக்க வெளியுறவுத்துறை கூறியது.

ஆனால் சுகாதார நிதிக்கு ஏற்பட்ட இடையூறும் பரந்த சேவைகளின் மீதான தாக்கமும் எச்.ஐ.வி/எய்ட்ஸுடன் வாழும் மக்கள் மீது பேரழிவு தரும் தாக்கத்தை ஏற்படுத்தி வருவதாக யு.என்.ஐ.டி.எஸ் நிர்வாக இயக்குனர் வின்னி பியானிமா ஜெனீவாவில் செய்தியாளர்களிடம் தெரிவித்தார்.

“அமெரிக்க நிதி திடீரென திரும்பப் பெறப்பட்டதால் பல மருத்துவமனைகள் மூடப்பட்டு, ஆயிரக்கணக்கான சுகாதார ஊழியர்களை பணிநீக்கம் செய்து வருகிறது. இதன் பொருள் புதிய தொற்றுகள் அதிகரிக்கும் என்று நாங்கள் எதிர்பார்க்கிறோம். ஒவ்வொரு நாளும் 2,000 புதிய தொற்றுகளை நாம் காண முடியும் என்று யு.என்.ஐ.டி.எஸ் மதிப்பிட்டுள்ளது, ”என்று அவர் குறிப்பிட்டார்.