புடினுக்கு எதிராக திரும்பிய வாக்னர் குழு!! மகிழ்ச்சியின் உச்சத்தில் உக்ரேனியர்கள்
மாஸ்கோவிற்கு எதிரான வாக்னர் கூலிப்படைக் குழுவின் கலகம் குறித்து தாங்கள் “மிகவும் மகிழ்ச்சியடைகிறோம்” என்றும், போர்க்களத்தில் உள்ள ரஷ்ய துருப்புக்களைப் பலவீனப்படுத்தும் என்று நம்புவதாகவும் உக்ரேனியர்கள் தெரிவித்துள்ளனர்.
உக்ரைனில் பெரும்பகுதி சண்டைகளை முன்னெடுத்து வரும் வாக்னர் கூலிப்படையினர் ரஷ்யாவின் இராணுவத் தலைவர்களுக்கு எதிராக கிளர்ச்சி செய்து, தெற்கில் ஒரு முக்கிய இராணுவத் தளத்தைக் கைப்பற்றி வடக்கே மாஸ்கோவை நோக்கி முன்னேறி வருகின்றனர்.
ரஷ்ய அதிபர் விளாடிமிர் புடின், கிளர்ச்சியைத் தோற்கடித்து, உள்நாட்டுப் போர் அச்சுறுத்தலைத் தவிர்க்கப் போவதாக உறுதியளித்துள்ளார்.
இது குறித்து உக்ரைன் தலைநகரின் தெருக்களில் மக்கள் மகிழ்ச்சியுடன் பதிலளித்தனர்.
21 வயதான இலியா ஸ்விர்குன், “இதுபோன்ற ஒன்று நடக்கும் என்று நான் எதிர்பார்த்தேன், ஆனால் அவ்வளவு வேகமாக இல்லை,” என்று கூறினார்.
“போர் முடிந்ததும் இது அனைத்தும் தொடங்கும் என்று நான் நினைத்தேன். ஆனால் அது முன்னதாகவே தொடங்கியது, அது மிகவும் நல்லது.”
உள்நாட்டில் கிளர்ச்சியைச் சமாளிக்க புடின் உக்ரைனில் இருந்து “சில துருப்புக்களை திரும்பப் பெறுவார்” என்று அவர் நினைத்தார், இது உக்ரேனியப் படைகளுக்கு எளிதாக்குகிறது” என அவர் மேலும் தெரிவித்துள்ளார்.
(Visited 7 times, 1 visits today)
