உக்ரைன் மீதான தாக்குதலுக்கு பதிலளிக்குமாறு சர்வதேச சமூகத்திற்கு உக்ரைன் ஜனாதிபதி அழைப்பு

உக்ரைன் ஜனாதிபதி வோலோடிமிர் ஜெலென்ஸ்கி, உக்ரைன் மீதான ரஷ்யாவின் சமீபத்திய பாரிய வான்வழித் தாக்குதலுக்கு பதிலளிக்குமாறு சர்வதேச சமூகத்திற்கு அழைப்பு விடுத்துள்ளார்.

“இன்று, ரஷ்யா தனது ஆயுதக் கிடங்கில் ஏறக்குறைய அனைத்து வகையான ஆயுதங்களையும் பயன்படுத்தியுள்ளது” என்று உக்ரைன் ஜனாதிபதி சமூக ஊடகங்களில் தெரிவித்துள்ளார்.

இந்த தாக்குதலில் ரஷ்யா சுமார் 110 ஏவுகணைகளை ஏவியது என்றும் அவர் குறிப்பிட்டுள்ளார்.

மேலும் “ரஷ்ய பயங்கரவாதம் கண்டிப்பாக தோற்கடிக்கப்படும்” என்று உக்ரைனின் ஜனாதிபதி X தளத்தில் பதிவிட்டுள்ளார்.