பிரித்தானியாவில் நடைபெறும் இருவேறு பேரணிகள் – களமிறக்கப்பட்டுள்ள 1600 பொலிஸார்!

பிரித்தானியாவில் இன்று (13.09) பாரிய பேரணி ஒன்று முன்னெடுக்கப்படவுள்ளதாக தெரிவிக்கப்பட்டுள்ள நிலையில் லண்டன் காவல்துறை கூடுதல் பொலிஸாரை களமிறக்கவுள்ளதாக தகவல் வெளியாகியுள்ளது.

வலதுசாரி, குடியேற்ற எதிர்ப்பு ஆர்ப்பாட்டக்காரர்கள் மற்றும் இனவெறி எதிர்ப்பு ஆர்ப்பாட்டக்காரர்கள் போட்டி பேரணியை நடத்தவுள்ளனர்.

டாமி ராபின்சன் என்றும் அழைக்கப்படும் குடியேறிய எதிர்ப்பு ஆர்வலர்கள் ஏற்பாடு செய்த பேரணியானது லண்டனின் வாட்டர்லூ பாலம் அருகே கூடி, பின்னர் பேரணி நடைபெறும் வைட்ஹாலின் தெற்கு முனைக்குச் செல்ல உள்ளது.

அதேபோல் ஸ்டாண்ட் அப் டு ரேசிசம்” ஏற்பாடு செய்த ஒரு எதிர்ப்பு போராட்டம், பாராளுமன்றத்தை நோக்கிய முக்கிய பாதையான வைட்ஹாலின் மறுமுனையில் கூட உள்ளது.

இவ்விரு பேரணிகளுக்கு இடையில் வன்முறைகள் அல்லது கைகலப்புகள் ஏற்படலாம் என அச்சம் வெளியிடப்பட்டுள்ளது. இதனைத் தொடர்ந்து லண்டன் பெருநகர காவல்துறையினர் ஏராளமான பொலிஸாரை களமிறக்கவுள்ளனர்.

இரு குழுக்களுக்கும் இடையில் இடைவெளிகளை உருவாக்க தடைகள் இருக்கும் என்றும், சுமார் 1600 காவல்துறையினர் களமிறக்கப்படுவார்கள் எனவும்  லண்டனின் பெருநகர காவல்துறை தெரிவித்துள்ளது.