ட்ரம்பின் வரிவிதிப்பு – நீண்ட நாட்களுக்கு பிறகு மீண்டு வந்த பங்குச் சந்தைகள்!

ஜனாதிபதி டொனால்ட் டிரம்ப் உலக நாடுகள் மீது விதித்த வரிகளை தொடர்ந்து சந்தைகள் வீழ்ச்சியடைந்திருந்த நிலையில் தற்போது மீண்டும் ஏற்றம் கண்டுள்ளன.

கடந்த வெள்ளிக்கிழமை சந்தை முடிவடைந்தபோது அமெரிக்காவின் முக்கிய குறியீடுகள் அனைத்தும் உயர்ந்ததாக அறிவிக்கப்பட்டுள்ளது.

இதன்படி S&P 500 மற்றும் Nasdaq இரண்டும் 1.5% உயர்ந்தன, அதே நேரத்தில் Dow Jones Industrial Average 1.4% அதிகரித்தன. தொழில்நுட்பத் துறை மிகப்பெரிய லாபத்தை ஈட்டியது, மைக்ரோசாப்ட் மற்றும் Nvidia 2% க்கும் அதிகமாக வளர்ச்சியடைந்துள்ளன.

ஏப்ரல் மாதத்தில் அமெரிக்க முதலாளிகள் 177,000 புதிய வேலைகளைச் சேர்த்ததாக தொழிலாளர் துறை அறிவித்துள்ளமை குறிப்பிடத்தக்கது.