கனடா மீது 25%, சீனா மீது 10% வரி விதிக்க தயாராகும் ட்ரம்ப் : எண்ணெய்க்கு மாத்திரம் விலக்கு!

அமெரிக்க அதிபர் டொனால்ட் டிரம்ப், மெக்சிகோ மற்றும் கனடா மீது 25% வரிகளையும், சீனா மீது 10% வரிகளையும் விதிக்கப் போவதாகக் கூறியுள்ளார்.

இருப்பினும், கனடா எண்ணெய் மீது 10% குறைந்த வரி விதிக்கப்படும் என்று டிரம்ப் அறிவித்துள்ளதாகவும், இது பிப்ரவரி 18 முதல் அமலுக்கு வரக்கூடும் என்றும் வெளிநாட்டு ஊடகங்கள் தெரிவிக்கின்றன.

மேலும், எதிர்காலத்தில் ஐரோப்பிய ஒன்றியத்தின் மீது வரிகளை விதிக்கவும் அவர் திட்டமிட்டுள்ளதாக கூறப்படுகிறது.

சீனா, கனடா மற்றும் மெக்சிகோ ஆகியவை அமெரிக்காவின் சிறந்த வர்த்தக பங்காளிகள்.

கடந்த ஆண்டு அமெரிக்காவிற்கு இறக்குமதி செய்யப்பட்ட பொருட்களில் 40% சீனா, கனடா மற்றும் மெக்சிகோவிலிருந்து இறக்குமதி செய்யப்பட்டதாக வெளிநாட்டு தகவல்கள் தெரிவிக்கின்றன.

இருப்பினும், 2018 ஆம் ஆண்டு முதல் சீனாவிலிருந்து அமெரிக்காவிற்கு பொருட்கள் இறக்குமதி தேக்கமடைந்துள்ளதாகவும் தெரிவிக்கப்பட்டுள்ளது.

புதிய உயர் வரிகள் விதிக்கப்படுவது ஒரு பெரிய வர்த்தகப் போரை ஏற்படுத்தும் என்றும் அமெரிக்கப் பொருட்களின் விலைகளை அதிகரிக்கும் என்றும் பொருளாதார ஆய்வாளர்கள் எச்சரித்துள்ளனர்.