ஐரோப்பிய மதுபானங்களுக்கு 200 சதவீத வரி: டிரம்ப் அதிரடி அறிவிப்பு

அமெரிக்க ஜனாதிபதி டொனால்ட் டிரம்ப் ஐரோப்பாவிலிருந்து தருவிக்கப்படும் எல்லா வகை வைனுக்கும் மற்ற மதுபானங்களுக்கும் 200 சதவீத வரி விதிக்கப்போவதாக மிரட்டல் விடுத்திருக்கிறார்.

அமெரிக்க விஸ்கிக்கு ஐரோப்பிய ஒன்றியம் விதிக்கத் திட்டமிடும் வரியைக் கைவிடாவிட்டால் அமெரிக்காவும் வரி விதிக்கும் என அவர் குறிப்பிட்டுள்ளார்.

தம்முடைய வரி விதிப்பு அமெரிக்காவின் வைன், வர்த்தகத்துக்குப் பயனளிக்கும் என டிரம்ப் குறிப்பிட்டுள்ளார்.

ஐரோப்பிய ஒன்றியம் அமெரிக்காவின் மிரட்டலுக்கு அடிபணியாது என்று கூறும் பிரான்ஸ், தனது தொழில்துறையைப் பாதுகாக்க உறுதியளித்தது.

ஐரோப்பிய ஒன்றியம் சென்ற ஆண்டு அமெரிக்காவுக்கு ஏற்றுமதி செய்த வைனின் மதிப்பு 4.9 பில்லியன் யூரோவாகும். ஐரோப்பாவின் ஒட்டுமொத்த வைன் ஏற்றுமதியில் அது 29 சதவீதமாகும்.

அமெரிக்காவுக்கான ஐரோப்பிய ஒன்றியத்தின் மதுபான ஏற்றுமதியில் சுமார் பாதியைப் பிரான்ஸ் செய்கிறது. இத்தாலியின் பங்கு சுமார் 40 சதவீதமாகும்.