ஹார்முஸ் நீரிணைக்கு போர்க்கப்பலை அனுப்புகிறதா ஜப்பான்?
ஹார்முஸ் நீரிணைக்கு போர்க்கப்பல்களை அனுப்புமாறு அமெரிக்க ஜனாதிபதி ட்ரம்ப் விடுத்த கோரிக்கை குறித்து ஜப்பான் அரசு தற்போது தீவிரமாக ஆலோசித்து வருகிறது.
ஜப்பானியப் பிரதமர் சனாயே தகாயிச்சி Sanae Takaichi
அமெரிக்காவிற்கு மேற்கொள்ளவுள்ள பயணத்தின் போது, இந்த விவகாரம் முக்கிய விவாதப் பொருளாக இருக்கும் என்று எதிர்பார்க்கப்படுகிறது.
தற்காப்புப் படைகளை அனுப்புவது ஜப்பானுக்குப் பெரிய சவால்களை ஏற்படுத்தும் என்பதால், எந்தவொரு முடிவையும் எடுப்பதற்கு முன்பு நிலைமையை உன்னிப்பாகக் கவனிக்க அந்நாட்டு பாதுகாப்பு அமைச்சு திட்டமிட்டுள்ளது.
ஜப்பானின் வெளியுறவு அமைச்சு, அமெரிக்காவின் விருப்பத்திற்காக மட்டும் கப்பல்களை அனுப்ப முடியாது என்றும், நாட்டின் சுயேச்சையான முடிவே இறுதியானது என்றும் தெளிவுபடுத்தியுள்ளது.
இந்தச் சூழலில், இரு நாடுகளுக்கும் இடையிலான உச்சிமாநாட்டில் எடுக்கப்படவுள்ள முடிவுகள் முக்கியத்துவம் வாய்ந்ததாகக் கருதப்படுகின்றன.
