ராஜஸ்தானில் நிச்சயதார்த்த நிகழ்வில் உணவு உட்கொண்ட மூவர் மரணம்

ராஜஸ்தானின் உதய்பூர் மாவட்டத்தில் கோடா தாலுகாவில் நடந்த நிச்சயதார்த்த விழாவில் கலந்து கொண்ட பிறகு உணவு விஷம் காரணமாக 3 பேர் உயிரிழந்தனர், மேலும் 22 பேர் மருத்துவமனையில் சிகிச்சை பெற்று வருகின்றனர்.

கோட்டா காவல் நிலையப் பொறுப்பாளர் அசோக் குமார் சிங் , “நிச்சயதார்த்த விழா ஏற்பாடு செய்யப்பட்டிருந்தது. அங்கு சுமார் 100 விருந்தினர்கள் இருந்தனர், அவர்களில் பலர் வீடு திரும்பிய உடனேயே நோய்வாய்ப்பட்டனர்.” என்று தெரிவித்தார்.

பெண்ணின் தரப்பைச் சேர்ந்த பாபு (50), ஆணின் தரப்பைச் சேர்ந்த மஸ்ரு (40), அமியா தேவி (35) உள்பட 3 பேர் உணவு விஷம் காரணமாக உயிரிழந்தனர்.

மேலும் இருபத்தி இரண்டு பேர் மருத்துவமனையில் சிகிச்சை பெற்று வருகின்றனர் என்று சிங் கூறினார்.

உதய்பூரில் உள்ள தலைமை மருத்துவ மற்றும் சுகாதார அதிகாரி சங்கர் பாம்னியா கூறுகையில், உணவுப் பாதுகாப்பு அதிகாரியால் உணவு மாதிரிகள் சேகரிக்கப்பட்டு அவை பரிசோதனைக்கு அனுப்பப்பட்டுள்ளன.