50C வெப்பநிலையில் வாடும் இந்திய மக்கள் : தேர்தல் அதிகாரிகள் பலர் உயிரிழப்பு!

இந்தியாவில் வெப்பநிலையானது 50C ஆக உயர்ந்துள்ள நிலையில், ஏறக்குறைய 70 பேர் வெப்பநிலை தாங்கமுடியாமல் உயிரிழந்துள்ளனர்.

உலகின் மிகப்பெரிய பொதுத் தேர்தலுக்கான வாக்கெடுப்பின் இறுதி வாரத்தில் வெப்பநிலை ஒருபக்கம் மக்களை வாட்டி வதைக்கிறது.

கடந்த 10 நாட்களில் 70 பேர் உயிரிழந்துள்ள நிலையில், உயிரிழந்தவர்களில் தேர்தல் அதிகாரிகளும் உள்ளடங்குவதாக தெரிவிக்கப்படுகிறது.

இந்தியாவின் அதிக மக்கள்தொகை கொண்ட உத்தரபிரதேச மாநிலத்தில் ஒரே நாளில் குறைந்தது 33 தேர்தல் பணியாளர்கள் உயிரிழந்துள்ளனர்.

அவர்களது ஒவ்வொரு குடும்பத்திற்கும் இழப்பீடு வழங்கவும் நடவடிக்கை எடுக்கப்பட்டுள்ளதாக அறிவிக்கப்பட்டுள்ளது.